更多
2013-11-05
1547 瀏覽
久聞平成二十二D刺身好新鮮同埋多款式, 但有時行過見到好多人, 同埋望入去好似有D 逼咁, 所以一直未去試, 直到朋友試左, 再三推介下, 決心一試!! 呢度分左3個時段: 6:30 - 8:30 PM 8:30 - 10:30 PM9:30 - 11:30 PM我地4個人BOOK左8:30PM 時段 ($188/位+10%), 8點鐘去到, 門口已經勁多人, 等到差唔多8:45PM 先有得入, 好好彩被安排左窗口位置, 其實都好鬆動吖, 坐得好舒服! 食物種類都算多, 而且佢用呢個架放ORDER 紙, 非常整齊, 清析又易搵! 汽水有忌廉, 可樂, C+ 等等, 唔係提供雜嘜汽水, GOOD! 刺身種類比起同價錢既放題多, 急不及待先黎第一ROUND.遞紙後10分鐘就有得食喇, 好大一盤的刺身, 有用冰底保證夠凍, 而且都是厚切的, 數量亦很足, 不會叫10件黎得5件 , 尤其抵讚係劍魚腩入口即融, 由於夠凍, 沒有鯹味不會太油太漏, 可以多吃几件, 三文魚和雕魚很肥美, 間八魚和馬刀貝很爽甜清新, 其他的如海花螺, 八爪魚, 貝柱, 烏賊就中規中矩, 唯獨甘海老 size 較細同
呢度分左3個時段:
6:30 - 8:30 PM
8:30 - 10:30 PM
9:30 - 11:30 PM
我地4個人BOOK左8:30PM 時段 ($188/位+10%), 8點鐘去到, 門口已經勁多人, 等到差唔多8:45PM 先有得入, 好好彩被安排左窗口位置, 其實都好鬆動吖, 坐得好舒服!
食物種類都算多, 而且佢用呢個架放ORDER 紙, 非常整齊, 清析又易搵! 汽水有忌廉, 可樂, C+ 等等, 唔係提供雜嘜汽水, GOOD!
刺身種類比起同價錢既放題多, 急不及待先黎第一ROUND.
遞紙後10分鐘就有得食喇, 好大一盤的刺身, 有用冰底保證夠凍, 而且都是厚切的, 數量亦很足, 不會叫10件黎得5件 , 尤其抵讚係劍魚腩入口即融, 由於夠凍, 沒有鯹味不會太油太漏, 可以多吃几件, 三文魚和雕魚很肥美, 間八魚和馬刀貝很爽甜清新, 其他的如海花螺, 八爪魚, 貝柱, 烏賊就中規中矩, 唯獨甘海老 size 較細同埋軟身好難剝縠, 亦不太新鮮。
壽司類我們只點了赤貝和牛肉，細細粒咁, 都唔錯.
南瓜餅熱辣辣上枱, 南瓜蓉很細滑可口, 令人想一吃再吃.
第二輪既刺身, 要讚既係仍然有用冰底, 好多放題第1輪同埋之後既刺身, 質數會相差很遠令人失望, 但呢度既刺身絶無欺場, 仍然係大大件厚切, 同埋叫几多比几多, 大家食放題, 無非都係想咁姐, 讚讚讚!其實我地食左2轉已經好滿足, 又唔洗勞氣追單, 侍應都行少几轉啦!
其他的炸物和燒物都几好, 尤其是羊鞍, 沒有羊羶味, 燒得剛剛好, 肉汁豐富, 非常味美.
突然侍應小姐送上1板海膽刺身~ 好似係要6人先有得送既, 竟然送埋比我地, 嘩! 雖然佢個樣瘀瘀黑黑好似唔係好新鮮咁, 但都冇鯹味, 可能再擺多1日就唔要得, 所以食得唔好o徙益我地, 正! 好清香, 鮮甜! 再後, 就係食雪糕時間喇, 佢地提供既係雀巢既迷你蓮花杯, 有芒果/芝麻/朱古力/云尼拿/紅豆, 之前聽聞呢度既雪糕只可以叫一轉, 咁我地叫左7杯, 侍應哥哥話驚我地d雪糕會溶, 所以比我地叫2轉, 真係好人呀!
今次既放題係食過最好服務態度的一間!
張貼
