更多
2013-11-16
1126 瀏覽
前日應同事之邀,免費出席尋晚(15-11-2013 Fri)攪o既蛇宴,我o地一行16人上到一樓開餐,o係等齊人o既時間,我o地見到枱上有最基本o既薄脆,胡椒粉同醋之外,亦有檸檬葉同一支綠色o既蛇膽酒,原來支蛇膽酒係包埋,唔使另外俾錢,大家就先試試,我只試少少,呢個唔難入口,女同事S話有啲甘味,我就飲唔出.人齊喇,蛇宴正式開始.1. 蛇羹我o地呢圍只得7個女仔,但一窩都好大窩,而o係未勺之前都已經嗅到陳皮味,而睇表面,蛇肉好似好幼同少,但勺起後睇到,原來都幾大塊幾厚,配料就有木耳絲同冬菇,先咩o野都唔落食吓,初初嗅到好濃o既陳皮味,但食落又唔多覺,好o岩我呢啲唔鍾意食咁重陳皮味o既人,而蛇肉唔腥,不過太大塊口感原來有啲硬實.之後加少少檸檬葉食,令成個羹o既味道清啲,不過我都係覺得咩o野o野都唔使落.味道: 4.8分2. 五彩炒蛇絲呢個賣相平平無奇,但食落味道o岩o岩好,蛇絲鬆軟,個個都讚.味道: 4.8分3. 炸蛇丸大大個蛇丸,外面以麵包粒包住,食落香脆,但內裡混入蝦膠o既蛇肉好似冇咁明顯,口感爽,呢個要加少少醋食.味道: 3.5分4. 椒鹽蛇碌大大件o既蛇碌,呢個好硬,咬唔開,原來係
人齊喇,蛇宴正式開始.1. 蛇羹
我o地呢圍只得7個女仔,但一窩都好大窩,而o係未勺之前都已經嗅到陳皮味,而睇表面,蛇肉好似好幼同少,但勺起後睇到,原來都幾大塊幾厚,配料就有木耳絲同冬菇,先咩o野都唔落食吓,初初嗅到好濃o既陳皮味,但食落又唔多覺,好o岩我呢啲唔鍾意食咁重陳皮味o既人,而蛇肉唔腥,不過太大塊口感原來有啲硬實.之後加少少檸檬葉食,令成個羹o既味道清啲,不過我都係覺得咩o野o野都唔使落.
味道: 4.8分
2. 五彩炒蛇絲
呢個賣相平平無奇,但食落味道o岩o岩好,蛇絲鬆軟,個個都讚.味道: 4.8分
3. 炸蛇丸
大大個蛇丸,外面以麵包粒包住,食落香脆,但內裡混入蝦膠o既蛇肉好似冇咁明顯,口感爽,呢個要加少少醋食.
味道: 3.5分
4. 椒鹽蛇碌
大大件o既蛇碌,呢個好硬,咬唔開,原來係骨o黎,啲肉要集中o係中間,鍾意啜骨o既客人一定喜愛.而味道呢,開頭見有咁多椒鹽,心諗會好辣o架?但原來唔係,我反而覺得冇乜味添,唔知係咪啲椒鹽甩晒? 味道: 2.5分
5. 炆蛇腩
蛇腩又係大大件,底下有支竹同筍,蛇腩幾厚同夠腍,呢個明顯腥啲,但仍可接受,而支竹同筍同入晒味,好食.味道: 4.5分
6. 蒸雞
睇到佢係冇多餘脂肪,食落,肉質嫩滑,鮮雞味亦重,估唔到呢個都整得咁好食.味道: 5分
7. 山瑞煲
多年前食宴時,冇食到骨膠原極重o既裙邊,今次我唔客氣,一於先夾一件. 腍腍粘粘,汁o既味道又o岩o岩好,真係好正.之後幸運地夾到好厚o既肉食,口感似食牛腩,而墊底,盡吸汁液精華o既白蘿蔔,我o地都唔放過,可惜我食到佢有微苦.味道: 5分
8. 生菜
呢個正正常常冇問題啊.
味道: 3分
9. 糯米飯
呢個鹹淡亦適中亦唔太油,臘味唔太多但我覺得o岩o岩有香味就夠,可惜o既係我覺得佢唔夠粘.雖然係咁,原本只想食少少o既我,都可以忍唔住食吓一碗,食吓又一碗咁,果然吸引.味道: 4.3分
10. 燉蛤蚧湯
最令人震撼o既湯終於出場喇,女職員為怕我o地受驚,都唔擺上枱等我o地自己勺,佢分好至上.但我o地都係一窩蜂咁擁埋去睇同影相. 除o左蛤蚧外,重有烏雞,蛇肉,杞籽同啲藥材,啖湯飲落冇乜藥材味,反而飲到甜杞籽同圓肉味,連甘味都飲唔到,真係好飲,個個都一碗接一碗,亦飲到發熱,真係好正.
味道: 5分
呢餐令我大開眼界,原來蛇可以做多種菜色出o黎之外,就係第一次飲蛤蚧湯,真係多謝同事o既邀請同好彩冇錯過到.
服務:
而店方為我o地一圍半(18人)預備o左三窩蛇羹,我o地食o左兩窩後,女仔呢圍o既同事請職員將最後一窩平均分俾兩圍枱,點知唔知佢係咪老闆娘,自己主動送一窩細o既俾我o地,好多謝佢呢.
環境:
舊式蛇舖一間,冇乜問題.
張貼
