更多
2013-11-14
6685 瀏覽
同老公結婚紀念，搵間舒舒服服既坐下，早一星期book左枱，原來佢尖沙咀都有另一間店，不過聽聞灣仔評價好好多，加上灣仔店可以星期日休息，以佢咁有條件係最繁忙既日子休息，我相信一定有保證~~~坐落已經有人即講解新菜式同埋同我地講share相係facebook可以送藍山清酒不得不讚佢地舒服親切，亦細心了解你需要我地選擇左1800-2200段時間(＄358)，如果1800-1930(＄258)哩段時間實在唔夠食，因為佢地上菜比較慢，我地又鐘意逐張紙咁試，所以４個鐘先夠用～刺身︰油甘魚（太肥美，好漏），甜蝦（真係麻麻，好壞參半，不過當然佢既差唔係好差，只係有少少比下去同其他），劍魚腩（讚！食完再食），三文魚（紋理靚，脂肪均勻，鮮甜美味），吞拿魚（老公話ｏｋ，我無食），鮑片（食落好甜，自己本身麻麻哩樣野），北海道帶子刺身、帶子貝（我分唔清邊隻打邊隻，但有一隻好味，一隻好似假咁，哈哈），馬刀貝（爽彈！有咬口！不過少許雪味）壽司︰（右下至上）親子虎蝦壽司、彩球針魚壽司（本人覺得好難食個魚質，唔識欣賞）、醬油芝麻車子球壽司（應該係瀨尿蝦但叫車子球既蝦仔）、岩鹽左口魚魚邊壽司（我覺得幾好，老公話好林）、醬
早一星期book左枱，原來佢尖沙咀都有另一間店，
不過聽聞灣仔評價好好多，加上灣仔店可以星期日休息，
以佢咁有條件係最繁忙既日子休息，我相信一定有保證~~~
坐落已經有人即講解新菜式同埋同我地講share相係facebook可以送藍山清酒不得不讚佢地舒服親切，亦細心了解你需要
我地選擇左1800-2200段時間(＄358)，如果1800-1930(＄258)哩段時間實在唔夠食，因為佢地上菜比較慢，我地又鐘意逐張紙咁試，所以４個鐘先夠用～
刺身︰油甘魚（太肥美，好漏），甜蝦（真係麻麻，好壞參半，不過當然佢既差唔係好差，只係有少少比下去同其他），劍魚腩（讚！食完再食），三文魚（紋理靚，脂肪均勻，鮮甜美味），吞拿魚（老公話ｏｋ，我無食），鮑片（食落好甜，自己本身麻麻哩樣野），北海道帶子刺身、帶子貝（我分唔清邊隻打邊隻，但有一隻好味，一隻好似假咁，哈哈），馬刀貝（爽彈！有咬口！不過少許雪味）壽司︰（右下至上）親子虎蝦壽司、彩球針魚壽司（本人覺得好難食個魚質，唔識欣賞）、醬油芝麻車子球壽司（應該係瀨尿蝦但叫車子球既蝦仔）、岩鹽左口魚魚邊壽司（我覺得幾好，老公話好林）、醬油左口魚邊壽司、黑松露三文魚壽司（黑松露配左ｄ漬醬再夾三文魚咁食，不錯）、黑松露帶子壽司（哩粒老公食左，帶子都係好食，不過佢唔鐘意ｄ黑松露）、黑魚籽帶子壽司、最後兩粒波波係我地無叫但佢黎左既壽司，問過職員佢地話係吞拿魚蓉黎嫁
軍艦類（左下至上）︰ｘｏ醬三文魚軍、辣吞拿魚軍艦、葱三文魚軍艦、帶子沙律軍艦、蟹籽軍艦（竟然不及方間的好味）、黑魚籽海膽尤魚壽司、芥辣八爪魚軍艦（軍艦就無乜特別，我覺得最好就係紫菜脆口，職員已請我地快食用，免得錯過最脆時刻，哈哈）
炸物（粉適中，無油味）︰蕃薯天扶良（硬左少少，不過都甜）、大蝦天扶良（好味！爽彈！）、茄子天扶良（我嫌太大件，希望可以改進下）、冬菇天扶良（咬落外脆內軟又多汁，好愛！）、薯餅（一係好薯好蓉、食半件好啦）
牛肉火蝸︰好好味喎我覺得哩個，想牛肉嫰食就即夾起啦～我最愛就係佢鍋內既蔬菜甜甜地
燒物︰牛舌（夠林，算係好食，不過薄左少少）、安格斯牛柳（哩個好難食呀個牛唔似牛、豬又唔似豬，唔知食左乜）、雞腎、多春魚（燒得唔夠乾身）、甜薯（平常的好味）、粟米（唔係舊舊都甜）、豬軟骨（哩個好好味，好淋，好入味）、羊架（老公encore再encore）、豬肋骨（幾嫰，不過不適食太多肉，所以只食左一件）、黃金焗蠔
食食下有職員過黎話同我地玩鬼腳遊戲到最後抽左兩罐飲品（當日我係揀ｂ）
其餘獎品我聽到好似有海膽一板啦，有折啦，同唔知送咩卷，哈哈哈
到最後係甜品時候～～甜品是迷你的，哈哈，大家要有心理準備，它如一個五蚊再大ｄ
朱古力布朗尼（好味，我地叫左２round係已經好飽既時候，好就好在佢真係好的骰，重食到，哈哈）
粟米甜心酥（好怪既感覺，我唔識講，又甜又喊啦，哈哈）
紐約芝士蛋糕（好味喎哩個，其實好似食緊雪糕咁好鐘意佢面個層朱古力薄脆）
全過程覺得最難食既野！！！炸芝士條！！！唔夠熱，芝士唔溶．．．好硬．．．唔知想點，咬左一啖都係再叫個布朗尼做個美好完結～～～
題外話/補充資料：
雖然係放題，價錢唔算平，但我覺得食環境同服務是值得的，好多時候大家都想有一個地方好好享受而又大食既兩伙子我都推薦嫁︰）
如果有人生日會送壽司蛋糕同即場播歌仔，嘻嘻~ 都幾開心嫁^^
(以上食評乃用戶個人意見 , 並不代表OpenRice之觀點。)
張貼
