更多
2013-10-31
794 瀏覽
今次已經係我第三次黎呢度食啦, 第一次同朋友試過好食, 索性中秋同屋企人黎呢度做節, 到第三次黎食宵夜,試過個宵夜後, 我決定同大家分享一下, 將我食過幾次既幾張相放出黎, 希望一啲有質素既小店可以留得低, 呢度雖然呢度地方唔係大, 但夠乾淨, 食物一啲都唔馬虎及服務水準都一流, 服務員態度好之餘, 會係咁幫你加茶, 有時間仲會同d客人傾下計, 了解下食物質素同埋客人既意見! 讚!寫番中秋做節飯個餐先:青瓜青瓜夠冰涼, 醬汁有辣有唔辣,同出面其他既醬汁有啲唔同, 用黎做前菜好岩, 開胃(但忘了影相^^")豬仔骨豬仔骨好似係用近骨既位置, 有少少肥,唔理啦XD,但真係勁香,唔會硬, 尤其係啲配料, 仲香, 我估應該落左小小蒜鹽, 餸飯一流避風塘炒蟹我怕麻煩, 所以唔食蟹, 但因為阿哥鍾意, 所以叫左一隻, 真係好大隻, 見阿哥個食相, 我諗應該好好食,仲抵過銅鑼灣好多,但我最欣賞係個二食用返啲避風塘蒜蓉炒新竹米, 嘩.. 香到呢, 出面無得咁食, 推介!!川辣雞煲由於我最愛雞煲,見到有, 一定要嗌個黎試下, 一試不得了, 啲雞好嫩滑, 一啲都唔鞋口,份量仲幾多下, 同埋有我鍾意四川麻麻地
寫番中秋做節飯個餐先:
青瓜
青瓜夠冰涼, 醬汁有辣有唔辣,同出面其他既醬汁有啲唔同, 用黎做前菜好岩, 開胃
(但忘了影相^^")
豬仔骨豬仔骨好似係用近骨既位置, 有少少肥,唔理啦XD,但真係勁香,唔會硬, 尤其係啲配料, 仲香, 我估應該落左小小蒜鹽, 餸飯一流
避風塘炒蟹我怕麻煩, 所以唔食蟹, 但因為阿哥鍾意, 所以叫左一隻, 真係好大隻, 見阿哥個食相, 我諗應該好好食,仲抵過銅鑼灣好多,但我最欣賞係個二食用返啲避風塘蒜蓉炒新竹米, 嘩.. 香到呢, 出面無得咁食, 推介!!
川辣雞煲
由於我最愛雞煲,見到有, 一定要嗌個黎試下, 一試不得了, 啲雞好嫩滑, 一啲都唔鞋口,份量仲幾多下, 同埋有我鍾意四川麻麻地個隻味道, 仲有個汁都好正, 下次可以ENCORE 呢個
蒜蓉粉絲蒸聖子
聖子好大隻!!!$38蚊一隻真係好抵~~而且好新鮮! 值得推介~
呢晚仲叫左d小食同湯等等, 埋單1000蚊有找~~抵wo~!
後來like左佢地facebook, 知道左佢地之前推出 "粥" 在宵夜時段,同班FRIEND 玩完咭GAME, 今次特登黎食, 食完今次第三次先決定食呢個食評的….
雞粥 + 水蟹粥嗌左一鍋雞粥一鍋蟹粥, 第一個感覺係真材實料, 鍋雞粥都有,7舊雞, 蟹都有5,6 舊, 都只係 $48一鍋, 雞好滑, 唔知係咪同上次雞煲一樣? 粥底好綿得黎唔會好似水咁, 上枱個陣仲見到有啲泡滾下滾下, 所以應該係既滾既~
蜜椒雞翼個汁好好味, 而且將雞翼分左做一半, 食起上黎好方便~
呢晚宵夜encore青瓜, 雞煲, 聖子, 豬仔骨...埋單每人80蚊~抵抵抵!!
總括黎講, 係一間有誠意小店! 值得推介~
張貼
