更多
2013-10-16
3415 瀏覽
今日適逢放假，全家一於出尖沙咀飲茶，大家已一年未到過潮庭飲茶，而佢嘅水準是能保持穩定的食店之一，今早一於電話预早訂位，以免一家大細齊齊呆等。 一坐下，有一碟潮洲前菜，內有炸花生、豆腐乾、菜脯及青瓜，味道唔錯，有濃香的麻油味，都幾好味！跟住一家大細高高興興地揀點心，有大家基本選擇如油菜、古法千層糕、蝦餃、燒賣、潮洲粉果、鮮蝦菜苗餃、生竹牛肉、原籠馬拉糕。款款點心都好有水準，我哋全家都好快消滅哂！ 尤其係燒賣，食得出係用人手刀硺，豬肉粒比較瘦而有咬口，但肉質又好幼滑，我平時唔太喜歡食燒賣都覺得好好味。古法千層糕食落唔太甜兼好鬆軟，但內裏食落都有實質感，唔會食到輕飄飄咁，媽咪非常喜愛。一口咬下蝦餃，內裏充滿多隻鮮甜的蝦肉，湯汁爆出，有很高的水準，熱食時蝦餃皮有湮靱的感覺；唯獨放涼後，蝦餃皮會比較厚及硬，所以蝦餃一定要趁熱食。另有特別的點心如生煎欖菜肉碎麭，係生煎麭的另一類創新食法，都幾特別，不過欖菜味唔夠出，應該放多些會好食啲。蘿蔔春菜魚蛋小食, 係一個改良的潮洲小食，雪白的魚蛋係酒樓自家製，食落軟滑及有魚味，配上香菜的香味及鮮甜無渣的蘿蔔，是我其中欣賞的一道小食。蒜片牛仔粒是我侄仔所喜歡，
一坐下，有一碟潮洲前菜，內有炸花生、豆腐乾、菜脯及青瓜，味道唔錯，有濃香的麻油味，都幾好味！
跟住一家大細高高興興地揀點心，有大家基本選擇如油菜、古法千層糕、蝦餃、燒賣、潮洲粉果、鮮蝦菜苗餃、生竹牛肉、原籠馬拉糕。款款點心都好有水準，我哋全家都好快消滅哂！ 尤其係燒賣，食得出係用人手刀硺，豬肉粒比較瘦而有咬口，但肉質又好幼滑，我平時唔太喜歡食燒賣都覺得好好味。古法千層糕食落唔太甜兼好鬆軟，但內裏食落都有實質感，唔會食到輕飄飄咁，媽咪非常喜愛。
一口咬下蝦餃，內裏充滿多隻鮮甜的蝦肉，湯汁爆出，有很高的水準，熱食時蝦餃皮有湮靱的感覺；唯獨放涼後，蝦餃皮會比較厚及硬，所以蝦餃一定要趁熱食。
另有特別的點心如生煎欖菜肉碎麭，係生煎麭的另一類創新食法，都幾特別，不過欖菜味唔夠出，應該放多些會好食啲。
蘿蔔春菜魚蛋小食, 係一個改良的潮洲小食，雪白的魚蛋係酒樓自家製，食落軟滑及有魚味，配上香菜的香味及鮮甜無渣的蘿蔔，是我其中欣賞的一道小食。
蒜片牛仔粒是我侄仔所喜歡，是一道肉質非常鬆軟的頭盤小食，我侄仔可以差不多全碟消減哂。
最後還有令人飽肚的蠔仔粥及潮洲煎伊麵。不過今次的潮洲煎伊麵有點失了水準，麵底雖有葱油味但比較油了點及煎得唔夠香脆，不過當放下鎮江醋及沙糖後，依然覺得好好食。 張貼
