更多
2013-10-10
889 瀏覽
約左好耐既舊朋友,今晩終於有機會見面。相約係尖沙咀,睇網上介紹book在呢間「回憶寄賣店」cafe,好似幾特別。門囗有d難搵,要禁門鐘好似去緊人地屋企咁。由好好笑容既店員開門,安排我地坐在個二人既角落位,靜靜地唔錯,可以同朋友慢慢傾計。幾有心思既menu,除左揀飲品食物,仲有店主關於「回憶」既小文章,好似一本散文書咁。我地share叫左set dinner - 三文魚意大利飯,夠哂creamy,不過略嫌太淋身,唔夠正忠,味道唔錯。三文魚用左煙三文魚,香香地餸飯,配搭得幾好。散叫左雞肉串同南乳雞亦,雞肉串味道真係麻麻😰,南乳雞亦就有成意得多,唔知係自家製定現成貨,南乳味道又濃又香,熱辣辣,值得一試!👍👍👍飲品都幾多選擇,不過一睇到佢杯特色飲品真係忍唔住要試下,兩頁紙介紹一杯飲品?八掛忍唔住問下店員,原來佢地每幾個月會舉辦一次愛情故事徴文比賽,得獎故事會變成一杯特色飲品,好得意啊!😳今次杯飲品係「鐡甲葉問曾愛的人」阿華田加香蕉,好攪笑既名。佢係上下一層既阿華田配上香蕉鮮奶,淡淡香蕉味同阿華田都幾襯,仲有小小北海道牧場餐廳既凍華田影子,好多華田粉,讚!👍兩個人埋單每人剛好$120,尚算可以啦
約左好耐既舊朋友,今晩終於有機會見面。相約係尖沙咀,睇網上介紹book在呢間「回憶寄賣店」cafe,好似幾特別。
門囗有d難搵,要禁門鐘好似去緊人地屋企咁。由好好笑容既店員開門,安排我地坐在個二人既角落位,靜靜地唔錯,可以同朋友慢慢傾計。
幾有心思既menu,除左揀飲品食物,仲有店主關於「回憶」既小文章,好似一本散文書咁。
我地share叫左set dinner - 三文魚意大利飯,夠哂creamy,不過略嫌太淋身,唔夠正忠,味道唔錯。三文魚用左煙三文魚,香香地餸飯,配搭得幾好。
散叫左雞肉串同南乳雞亦,雞肉串味道真係麻麻😰,南乳雞亦就有成意得多,唔知係自家製定現成貨,南乳味道又濃又香,熱辣辣,值得一試!👍👍👍
飲品都幾多選擇,不過一睇到佢杯特色飲品真係忍唔住要試下,兩頁紙介紹一杯飲品?八掛忍唔住問下店員,原來佢地每幾個月會舉辦一次愛情故事徴文比賽,得獎故事會變成一杯特色飲品,好得意啊!😳
今次杯飲品係「鐡甲葉問曾愛的人」阿華田加香蕉,好攪笑既名。佢係上下一層既阿華田配上香蕉鮮奶,淡淡香蕉味同阿華田都幾襯,仲有小小北海道牧場餐廳既凍華田影子,好多華田粉,讚!👍
兩個人埋單每人剛好$120,尚算可以啦。
難得遇到有誠意有心思既食肆,支持!有機會會再黎!😊
張貼