更多
2013-10-10
2025 瀏覽
其實我頗享受一個人獨處既時間，所有野都由自己話事，唔駛同人商量，唔駛就嚟就去，想點就點，所以我好多時會自己一個人入場睇想睇既戲，甚至一個人出遊。食野更加唔例外，不過就會俾人詐型我又獨自吃喝玩樂。難得今晚老公加班，叫我食自己，於是我就好安心咁一個人嚟到想試好耐，但老公唔會太愛既 Caffe Habitu 了！Cafe座落The One 6樓，唔算好高，但因為靠窗，所以感覺好開揚，我相信日頭會好好 Feel。出奇地星期五既晚上唔算好多人，冇pan圓櫈圓枱有兩張全吉，另外窗邊還有兩張二人枱可坐，我先買食物同飲品，然後就到其中一張二人枱面窗進食。同星XX及太平X Coffee 雖然都係差不多，以賣咖啡為主，又有啲蛋糕咁，但前兩者沒有意粉﹑薄餅等輕食，又或你可能會話咁咪同DeliXXXX 差唔多，有意粉三文治食嘞卦！Sorry，真係唔同，Caffe Habitu真係高質素好多！無論食物造型﹑款式﹑飲品，都唔係一般咖啡店可比。第一次去真係好想試佢既意粉﹑薄餅同蛋糕，自己又鐘意食凱撒沙律，又想嘆下茶，無奈胃口有限，為左可以試得多而又唔浪費食物，於是乎我點左凱撒沙律﹑朱古力誘惑(蛋糕嚟既)同玫瑰奶茶。
Cafe座落The One 6樓，唔算好高，但因為靠窗，所以感覺好開揚，我相信日頭會好好 Feel。出奇地星期五既晚上唔算好多人，冇pan圓櫈圓枱有兩張全吉，另外窗邊還有兩張二人枱可坐，我先買食物同飲品，然後就到其中一張二人枱面窗進食。
同星XX及太平X Coffee 雖然都係差不多，以賣咖啡為主，又有啲蛋糕咁，但前兩者沒有意粉﹑薄餅等輕食，又或你可能會話咁咪同DeliXXXX 差唔多，有意粉三文治食嘞卦！Sorry，真係唔同，Caffe Habitu真係高質素好多！無論食物造型﹑款式﹑飲品，都唔係一般咖啡店可比。第一次去真係好想試佢既意粉﹑薄餅同蛋糕，自己又鐘意食凱撒沙律，又想嘆下茶，無奈胃口有限，為左可以試得多而又唔浪費食物，於是乎我點左凱撒沙律﹑朱古力誘惑(蛋糕嚟既)同玫瑰奶茶。
相機吃後到我開動，先吃凱撒沙律，佢唔係即整，但佢將凱撒汁及多士粒各自獨立包裝，然後放入沙律盒內，醬汁另包係常見做法，但連多士粒都分開包倒係第一次，細心之處頗讓我感到意外。雖然沙律係預先整好包裝，但羅馬生菜依然爽脆多汁，好正。
三兩下就把沙律幹掉，係時候吃我既蛋糕了，這個朱古力誘惑真係糕如其名，外型好靚有粒"珍珠"咁好高貴，這亦係我揀佢而唔揀另一款70%濃既朱古力(忘了名稱)蛋糕之原因，由於放左好一陣子，慕絲蛋糕開始軟了，但對蛋糕本身既滑滑口感及朱古力味沒有影響，仍然好好味。至於玫瑰奶茶，個樣好靚，比起另一間法文名Cafe好味啲，但仍然偏淡，相信在這裡仍係飲咖啡穩陣啲。
張貼
