更多
2013-09-27
2809 瀏覽
很久沒有這種感覺, 竟然係呢度穩得翻。細個去酒樓, D呀姨個個熟口熟面, 大大聲同我媽咪傾計, 呢個年代無呢支歌仔唱, 早起無點心車, 晚市無長氣部長, 以為酒樓已經不復再, 點之呢晚感覺翻晒尼!是夜同老婆, 老母同外母四人一同慶新春, 滿以為四圍都等位爆滿, 點知呢間有位, 重好服務禮貌足, 雖然last minute無window seat但有位容身已算安慰。未入座已經有姐姐出尼唱歌仔贈慶, 好耐無見倒媽咪禁開心, 係佢個年代D歌當然有共鳴, 沐浴於Live band伴奏既老歌下先來個翅, 簡單講味道偏淡但翅足, 湯底有點求其而且稀, 之後東菇好滑鮑魚硬, 這個價錢卻黏刀痴牙算值回票價, 煎魚柳火候不夠但畫碟添美誠意可嘉, 燒雞皮脆肉滑全晚亮點所在, 食到糯米飯時忽然停晒音樂, 原來煙花彙演! 細心一想, 大大話話有20幾年無同媽咪現場睇煙花。 當晚煙花開得特別燦爛, 晚飯時間亦過得特別漫長, 好像秒針轉慢, 甚至逆轉, 回到我六歲的時候, 拖住媽咪手於人群中鑽探, 永遠見不到煙花, 只聽到嘩嘩嘩幾聲, 我已長大成人, 成家立室, 望著媽媽的幾根銀髮, 心裡流下一滴眼淚。嘩嘩嘩終於
細個去酒樓, D呀姨個個熟口熟面, 大大聲同我媽咪傾計, 呢個年代無呢支歌仔唱, 早起無點心車, 晚市無長氣部長, 以為酒樓已經不復再, 點之呢晚感覺翻晒尼!
是夜同老婆, 老母同外母四人一同慶新春, 滿以為四圍都等位爆滿, 點知呢間有位, 重好服務禮貌足, 雖然last minute無window seat但有位容身已算安慰。
未入座已經有姐姐出尼唱歌仔贈慶, 好耐無見倒媽咪禁開心, 係佢個年代D歌當然有共鳴, 沐浴於Live band伴奏既老歌下先來個翅, 簡單講味道偏淡但翅足, 湯底有點求其而且稀, 之後東菇好滑鮑魚硬, 這個價錢卻黏刀痴牙算值回票價, 煎魚柳火候不夠但畫碟添美誠意可嘉, 燒雞皮脆肉滑全晚亮點所在, 食到糯米飯時忽然停晒音樂, 原來煙花彙演! 細心一想, 大大話話有20幾年無同媽咪現場睇煙花。 當晚煙花開得特別燦爛, 晚飯時間亦過得特別漫長, 好像秒針轉慢, 甚至逆轉, 回到我六歲的時候, 拖住媽咪手於人群中鑽探, 永遠見不到煙花, 只聽到嘩嘩嘩幾聲, 我已長大成人, 成家立室, 望著媽媽的幾根銀髮, 心裡流下一滴眼淚。
嘩嘩嘩終於爆完, 上甜品大碟夾底食, 雖然presentation有點凌亂但4人都吃得幸福, 四件蛋散好比我們, 就四件蛋散…幾趣。
最尾還有一個燕窩, 可能太飽覺得麻麻, 就這樣, 我們渡過一個簡單而難忘的春節。
張貼
