更多
2013-09-21
1229 瀏覽
朋友生日聚會地點，又遠又冇環境，去到得小貓三兩隻，冇氣氛，星期六晚如此清靜，嚇人！食物一般，唔係唔好食，係唔值。泰國餐廳香港多的是，食過更平更好亦有，每個餸亦一般一般，冇乜火花，最正係個汁，個個餸都配同一個酸辣汁，個汁係最出色。最入得囗係海南鷄，好滑又好嫩，不過又係要配個汁先好食，鷄味一般。仲有個羊黃咖哩亦可以叫好OK，不過本人覺得甜過頭。其餘亦十分一般，服務就更一般，朋友鈎咗三條鷄魚，煮煮要一百，合理嘅，不過開酒要一百、切蛋糕又要一百⋯⋯真係當我哋生魚咁擋！已經冇乜客，加$仲趕客！最後去咗第二度飲同切，本來會坐耐d，飲多幾個round，不過無氣氛又無得切蛋糕，無謂阻住人哋收工！我哋有飲酒，叫咗好多餸，不過無個個映，因實在好一般，二千幾埋單，位位三百，唔值！會唔會再嚟？唔會會唔會推介？唔會咁嘅價錢，更好有大把！
朋友生日聚會地點，又遠又冇環境，去到得小貓三兩隻，冇氣氛，星期六晚如此清靜，嚇人！
食物一般，唔係唔好食，係唔值。泰國餐廳香港多的是，食過更平更好亦有，每個餸亦一般一般，冇乜火花，最正係個汁，個個餸都配同一個酸辣汁，個汁係最出色。
最入得囗係海南鷄，好滑又好嫩，不過又係要配個汁先好食，鷄味一般。
仲有個羊黃咖哩亦可以叫好OK，不過本人覺得甜過頭。
其餘亦十分一般，服務就更一般，朋友鈎咗三條鷄魚，煮煮要一百，合理嘅，不過開酒要一百、切蛋糕又要一百⋯⋯真係當我哋生魚咁擋！已經冇乜客，加$仲趕客！最後去咗第二度飲同切，本來會坐耐d，飲多幾個round，不過無氣氛又無得切蛋糕，無謂阻住人哋收工！
我哋有飲酒，叫咗好多餸，不過無個個映，因實在好一般，二千幾埋單，位位三百，唔值！
會唔會再嚟？唔會
會唔會推介？唔會
咁嘅價錢，更好有大把！
張貼
