更多
2013-09-18
1662 瀏覽
2人的晚餐6:30入內男服務員(估計是超惡超差老闆娘的兒子) 有禮貌地問有冇訂檯? 冇, 咁需要卡位坐一邊搭檯. 當然冇問題啦..看完餐牌後決定叫 皮蛋豆腐 / 薺菜炒年糕 / 小籠包 / 咸豆漿先講講食物的質數:皮蛋豆腐 - 冇乜味, 只是將皮蛋及豆腐切碎撈埋.薺菜炒年糕 - 好食. 味道岩岩好不會太咸.. 而薺菜的份量都好多每一口都會食到薺菜.小籠包 - 沒有汁. 而且皮很厚食物質數沒有什麼大問題.. 可以接受的. 另想講一講這個晚餐上勞氣的事:超惡超差老闆娘落單時聽到"皮蛋豆腐" 立即面容扭曲面全黑說 "唉.. 晚市只做小菜, 唔做呢D! 算啦算啦. 做比你. 仲要咩.... 叫到咸豆漿時說.. 冇... 唔做架.."皮蛋豆腐是在牆上的其中一張推介連同什麼醉雞 , 肴肉一類冷盤菜式同一張紙的. 如果你晚市唔想做這類冷盤莫非下午及早餐會有人食醉雞???!?!?!??!!? 估計這位現實的老闆娘不喜歡晚市客人ORDER $40以下的菜式.店內有一邊卡位及4張10人以上的大圓檯, 4張大圓檯已坐了客人, 但待遇當然與我們不同, 他們可以叫4-5個冷盤同樣都有皮蛋豆腐但超惡超差老闆娘態度
6:30入內男服務員(估計是超惡超差老闆娘的兒子) 有禮貌地問有冇訂檯? 冇, 咁需要卡位坐一邊搭檯. 當然冇問題啦..
看完餐牌後決定叫 皮蛋豆腐 / 薺菜炒年糕 / 小籠包 / 咸豆漿
先講講食物的質數:
皮蛋豆腐 - 冇乜味, 只是將皮蛋及豆腐切碎撈埋.
薺菜炒年糕 - 好食. 味道岩岩好不會太咸.. 而薺菜的份量都好多每一口都會食到薺菜.
小籠包 - 沒有汁. 而且皮很厚
食物質數沒有什麼大問題.. 可以接受的.
另想講一講這個晚餐上勞氣的事:
超惡超差老闆娘落單時聽到"皮蛋豆腐" 立即面容扭曲面全黑說 "唉.. 晚市只做小菜, 唔做呢D! 算啦算啦. 做比你. 仲要咩.... 叫到咸豆漿時說.. 冇... 唔做架.."
皮蛋豆腐是在牆上的其中一張推介連同什麼醉雞 , 肴肉一類冷盤菜式同一張紙的. 如果你晚市唔想做這類冷盤莫非下午及早餐會有人食醉雞???!?!?!??!!? 估計這位現實的老闆娘不喜歡晚市客人ORDER $40以下的菜式.
店內有一邊卡位及4張10人以上的大圓檯, 4張大圓檯已坐了客人, 但待遇當然與我們不同, 他們可以叫4-5個冷盤同樣都有皮蛋豆腐但超惡超差老闆娘態度恭敬如賓沒有半句難言.
當我們以為只是我們對超惡超差老闆娘有問題時原來同時搭檯的一對母女都同樣有這種同感. 媽媽說我都係因為電視輝哥介紹先黎.. 這個算是這餐晚飯最愉快的一刻. 如果不是這對母女我們必定氣得連早餐都吐了出來...
總結:
如果人數少最好不要晚市時間幫襯啦... 這位現實的老闆娘根本不願做不超過$300的生意. 如果你認為入內消費必過$300 可以一試. 因為其實佢食物是冇問題.
我不是需要店內服務做到真誠有禮, 你可以冇禮貌對我, 但你絕對不可以嫌棄及鄙視我叫的食物. 我不是入來向你乞食. 假如你不想做一些達不到你目標生意額的生意你大可以做指定套餐, 我入來幫襯前會自己考慮是否幫襯.
人人都說現今香港小店富有人情味... 我只可說你完全做不到這個風格... 還有失同行這類小店...
張貼