更多
2013-09-08
127 瀏覽
咁快寫食評通常只有兩個原因，一係超好味想即刻推介，一係太差想即刻話比大家知，以消除心中嘅怨氣，哈哈！ 今次好不幸係後者，但食物係 ok 架！只係最初 order 時遇到令人O 嘴嘅服務。 先講食物，我和男朋友都叫了 set . 餐湯：蘑菇忌廉，可以接受，但係以茶餐廳質素而言。麵包: 都係茶餐廳質素啦! 前菜（跟晚餐）：軟殼蟹沙律，軟殻蟹 ok. 沙律菜都新鮮，係好多水，沙律菜再乾身D就好。意大利蝦海鮮飯：賣相幾靚，蝦上鋪滿芝士煙肉，十分香口，飯嘅軟硬適中，夾左蜆肉及洋蔥，口感及味道都頗豐富，呢碟嘅質素就match返西餐嘅水準同價錢。鐵板牛扒: 同花園餐廳嘅質素、味道差不多，肉較林，唔係咁有牛味，唔叫好味但都可以接受。餐飲：可以不加錢叫細支裝可樂 加$30甜品：男朋友想食香蕉船，咁試下啦！基本上你比我揀，我一定唔會叫，因為只係香蕉、雪糕、cream 放埋一齊，屬無誠意之作。 本人覺得賣相一D都唔討好，同相有出入， 亦無配料如脆筒、威化等。香蕉一條切開兩半，大量 cream 及兩球 Vanilla 雪糕，旁邊配左唔係咁 match 嘅可樂啫喱。可樂 Jelly 超 un, 似趙緊擦字膠，唔
題外話/補充資料：
講番 service, order 時係一頸上有「公仔」嘅女侍應，沒精打采，好似未醒，問佢是日餐湯係乜，好似鬼食泥兼講比自己聽咁，order 扒餐，我男朋友停頓左一陣，佢即好唔耐煩兼無尾音地問我男朋友要咩汁，男朋友問有咩汁，佢就話「睇啦！寫晒係度！」其實以我地性格係會即走，但已經搵左食一段時間，唔想再搵喇，唯有就範。希望餐廳可以留意下，呢位員工咁嘅態度真係好趕客。（聽到後面嘅客對呢位侍應都有D微言）但發現其他員工都唔係咁，都勤快及有禮. 相信只係個別員工嘅問題。
(以上食評乃用戶個人意見 , 並不代表OpenRice之觀點。)
張貼
