更多
2013-09-07
260 瀏覽
一直聽聞呢間拉麵店薄有名氣，今次因為要去大圍做D野既關係終於可以一試。由大圍站行過去唔算太遠，約五至十分鐘度。不過，由於位處橫街村屋既地下，所以唔熟路既話要搵路都唔係咁易！Anyway，拉麵店位於足浴店既地下，非常搞笑，如圖所見大大個招牌放左喺舖頭門口，非常騎呢！是日由於早到左既關係，重差幾分鐘先至夠十二點開門，不過店員都好好提早幾分鐘開門俾我地入去，夠晒細心！同一般拉麵店一樣，都係用order紙形式，所以野食一目了然，而麵質、味道甚至要唔要葱等都可以自由選擇，非常體貼。豚雞骨魚介拉麵($72)︰味道都算清爽，豬骨湯同埋雞骨湯cross-over既感覺好特別，從來未食過，濃得黎之餘又會食到雞湯既鮮味，非常特別。至於麵質方面，相對黎講叫做一般般啦，唔係話佢唔好食，只係都係D大路野無乜特別。反而要讚一讚既係麵上面既豚肉，刀功非常利害可以切到咁薄，好似食緊張紙咁，不過味道都叫做OK，配菜亦都口感唔錯，整體合格。辛口肉味增拉麵($72)︰同一般拉麵唔同，佢既「辛口肉」係成舊好似一個波咁放喺麵裏面，等食客可以自己整晒佢放埋落D湯到一齊食，非常特別！而配菜亦都非常特別，用D好似蘿白之類既野切到超幼
Anyway，拉麵店位於足浴店既地下，非常搞笑，如圖所見大大個招牌放左喺舖頭門口，非常騎呢！是日由於早到左既關係，重差幾分鐘先至夠十二點開門，不過店員都好好提早幾分鐘開門俾我地入去，夠晒細心！
同一般拉麵店一樣，都係用order紙形式，所以野食一目了然，而麵質、味道甚至要唔要葱等都可以自由選擇，非常體貼。
豚雞骨魚介拉麵($72)︰味道都算清爽，豬骨湯同埋雞骨湯cross-over既感覺好特別，從來未食過，濃得黎之餘又會食到雞湯既鮮味，非常特別。至於麵質方面，相對黎講叫做一般般啦，唔係話佢唔好食，只係都係D大路野無乜特別。反而要讚一讚既係麵上面既豚肉，刀功非常利害可以切到咁薄，好似食緊張紙咁，不過味道都叫做OK，配菜亦都口感唔錯，整體合格。
辛口肉味增拉麵($72)︰同一般拉麵唔同，佢既「辛口肉」係成舊好似一個波咁放喺麵裏面，等食客可以自己整晒佢放埋落D湯到一齊食，非常特別！而配菜亦都非常特別，用D好似蘿白之類既野切到超幼，口感非常獨特。不過最可惜既係全碗麵只有一塊薄到乜咁既豚肉，差唔多一啖就可以食晒，如果唔加蛋加肉之類既話真係好似食齋麵咁，呢度要扣少少分！
大阪風魚餅($15)︰整體感覺良好，沙律醬同埋醬汁配搭唔錯，可以將平平無奇既frozen魚餅整到咁好味，完全係食師傅既功力多過材料多多聲！
Overall感覺唔錯，但係喺呢一區黎講收咁既價錢可以叫做偏貴。雖然唔係唔好食，下次順路經過行開都會幫襯。但係如果你問我值唔值得山長水遠入黎「朝聖」呢，我就覺得無咁既必要喇！
張貼
