更多
2013-09-04
164 瀏覽
陰差陽錯竟然中伏幫襯咗一間無論係食物質數, 服務態度都係劣劣劣嘅日本餐, 一行四人 8:00 入座已經喺比較貴嘅時段, 但係所付出的金錢跟食物質數同服態度都不成正比先講食物質數前菜 - 劣, 一入座已經點咗蟹子沙律同其他前菜, 等咗超個一個鐘三催四請下終於有得食, 連扮晒蟹嘅蟹柳都冇一條, 淨番出晒水嘅青瓜同小得可憐嘅蟹子(但食落口冇卜一聲嘅感覺), 其他所點前菜直到埋單都冇影, 評論唔到魚生 - 劣, 得三文魚叫做稍為正常, 鯛魚已開始變壞出晒水都可以提供比客人 (好嘢), 吞拿魚就好似牛肉咁, 劍魚腩好肯定唔係劍魚, 甜蝦仲正, 原隻上要自己搣殼, 搣完個殼 D 蝦肉得番半隻手指尾咁長仲要係霉嘅, 叫咗第一輪都冇再叫, 同埋因座 bar 枱嘅關係, 睇得好清楚佢個魚生櫃裡面好多倒汗水滴番落 d 魚度炸物 - 劣, 芝士年糕炸唔透, 咬咗一啖成口粉, 同待應返映佢叫我哋掉咗佢, 佢唔可以控制廚房點整 wor, 其他點嘅天婦羅蠔同蝦就由頭到尾都無影無踪, 跟本冇得食串燒 - 劣, 多春魚超腥, 牛脷刀工非常好, 薄薄一片, 得雞翼叫做正常, 但係原三樣嘢都係一樣味到的, 因為用嚟用去都
先講食物質數
前菜 - 劣, 一入座已經點咗蟹子沙律同其他前菜, 等咗超個一個鐘三催四請下終於有得食, 連扮晒蟹嘅蟹柳都冇一條, 淨番出晒水嘅青瓜同小得可憐嘅蟹子(但食落口冇卜一聲嘅感覺), 其他所點前菜直到埋單都冇影, 評論唔到
魚生 - 劣, 得三文魚叫做稍為正常, 鯛魚已開始變壞出晒水都可以提供比客人 (好嘢), 吞拿魚就好似牛肉咁, 劍魚腩好肯定唔係劍魚, 甜蝦仲正, 原隻上要自己搣殼, 搣完個殼 D 蝦肉得番半隻手指尾咁長仲要係霉嘅, 叫咗第一輪都冇再叫, 同埋因座 bar 枱嘅關係, 睇得好清楚佢個魚生櫃裡面好多倒汗水滴番落 d 魚度
炸物 - 劣, 芝士年糕炸唔透, 咬咗一啖成口粉, 同待應返映佢叫我哋掉咗佢, 佢唔可以控制廚房點整 wor, 其他點嘅天婦羅蠔同蝦就由頭到尾都無影無踪, 跟本冇得食
串燒 - 劣, 多春魚超腥, 牛脷刀工非常好, 薄薄一片, 得雞翼叫做正常, 但係原三樣嘢都係一樣味到的, 因為用嚟用去都係嗰樽味粉, 其實得個咸字, 其他雞軟骨同大蔥由頭到尾都未等到有得食
服務態度 -劣
因為座 bar 枱的關後, 有人全晚喺你頭頂飛紙仔入單, 完全冇考慮客人在用餐, 枱面有一個不銹鋼水壺但裡面嘅茶喺凍嘅, 叫個亞姐比 D 熱茶佢居然可以答我, 係呀, 水壺出面係凍嫁, 裡面咪熱 lor, 致於想要嘅熱茶, 當然又係直至埋單都冇出現過啦 !!!
食物又係等極都冇, 唔知係漏單定係點, 同 d 待應返映, 佢哋可以啋都唔啋, 當你透明, 最後當然又係冇影啦, 返到屋企餓住個肚睇返 d 食評先知應該有汽水同甜品, 但全晚都冇講過比我哋知, 我係佢哋老細就真係開心, 員工咁賣力幫公司慳錢, 枱枱都唔講, 一日都慳唔小
後記 - 今日其中一個人已經食物中毒喺養和打緊針, 如果各位唔信又咁勇嘅就去幫襯啦, 因為冇諗過會寫呢嗰食評同埋食物質數實在太差, 冇諗過影相, 所以抱歉未能提供相片
評分嗰度, 真係焗比, 有負分的話我會比負分
題外話/補充資料：
返到屋企睇番 d 食評, 懷疑佢哋唔出 d 食物喺佢哋嘅慣常手法, 等到客人無癮自己走, 一喺話 cut 咗單冇得良, 年終都幫公司慳唔小
(以上食評乃用戶個人意見 , 並不代表OpenRice之觀點。)
張貼