更多
2013-08-24
1316 瀏覽
下午茶時間，相信係因為冇tea set嘅關係，所以人並唔多。呢度屬於較高級嘅越南餐廳，環境舒適，靜靜地hea吓都唔錯。3個人，除咗越南粉外，亦order咗啲小食。生牛肉湯金邊粉賣相唔錯，湯嘅顏色比平時食嘅越南粉深。飲啖湯，味道濃郁，忍唔住連飲幾啖。金邊粉幼滑，加上熱辣辣嘅湯，真係食唔停口。粉嘅份量都幾多，食一碗已夠飽。老公order咗蕃茄牛腩湯粉，同樣好食。蕃茄湯底濃厚，酸酸甜甜，夠哂開胃。小食方面，嗌咗蝦多士同牛油雞翼。蝦多士超油，同有好勁蒜味。多士上只有薄薄嘅蝦膠，所以唔太食得出蝦嘅味道；而且可能太油嘅關係，多士已淋身，唔脆口。最得人驚係碟牛油雞翼。上枱時真係不禁要問＂呢碟咩嚟架＂？只見到有幾件炸咗嘅脆漿喺碟上面。勇敢地咬開，見到好似白切雞翼被最少半cm嘅脆漿包住，全無牛油味道；雞翼以外仲有4小塊脆漿...原來入面係蕃薯片。食咗雞翼咁多年，真係第一次見咁樣嘅牛油雞翼，亦好奇怪點解廚房可以整樣咁嘅嘢出嚟。整體嚟講，呢度湯粉做得出色，小食就認真麻麻。連飲品埋單約$430，其實都幾貴架。收得咁嘅價錢，希望可以改善一下小食嘅質素。
3個人，除咗越南粉外，亦order咗啲小食。
生牛肉湯金邊粉
賣相唔錯，湯嘅顏色比平時食嘅越南粉深。飲啖湯，味道濃郁，忍唔住連飲幾啖。金邊粉幼滑，加上熱辣辣嘅湯，真係食唔停口。粉嘅份量都幾多，食一碗已夠飽。老公order咗蕃茄牛腩湯粉，同樣好食。蕃茄湯底濃厚，酸酸甜甜，夠哂開胃。
小食方面，嗌咗蝦多士同牛油雞翼。
蝦多士超油，同有好勁蒜味。多士上只有薄薄嘅蝦膠，所以唔太食得出蝦嘅味道；而且可能太油嘅關係，多士已淋身，唔脆口。最得人驚係碟牛油雞翼。上枱時真係不禁要問＂呢碟咩嚟架＂？只見到有幾件炸咗嘅脆漿喺碟上面。勇敢地咬開，見到好似白切雞翼被最少半cm嘅脆漿包住，全無牛油味道；雞翼以外仲有4小塊脆漿...原來入面係蕃薯片。食咗雞翼咁多年，真係第一次見咁樣嘅牛油雞翼，亦好奇怪點解廚房可以整樣咁嘅嘢出嚟。
整體嚟講，呢度湯粉做得出色，小食就認真麻麻。連飲品埋單約$430，其實都幾貴架。收得咁嘅價錢，希望可以改善一下小食嘅質素。
張貼
