更多
2013-08-12
7468 瀏覽
由二零零三年起，每年的八月四均被訂為我們的「風雨同路日」一年一聚已成為了我們每年的指定動作今年八月四都唔例外可惜參與人數大不如前由上幾年十七八人，得返八九個出席活動雖然係咁，小妹都堅持每年出席，小妹相信總有一日可以齊齊整整廿幾人一齊出黎食餐飯見下面今年既聚會人數唔多，所以就決定係區內搞就算嚕Book左枱七點鐘九個小妹同班姊妹們乖乖咁六點九到拎枱因為時間未到，所以要等夠鐘，佢執好枱先能夠入座環境方面新裝修之後韓舍以黑色做主色，感覺上較從前高級同乾淨而係每枱既爐上面都會加設左一個細細地既抽風機令到成間餐廳唔會咁大油煙不過其實去得食韓燒，大油煙都係在所難免既七點鐘入座嚕九個人得六個人到左唔理啦入去先啦（一入座就開始兩個小時計，任食$158加一，飲品就另外收費）小妹同一眾女士都唔好汽水啤酒，所以無加$18任飲汽水 / $38 任飲啤酒反而就散叫左ｄ特飲小妹叫左熱紅棗茶味道都唔差啵！又唔太甜 之後就拿拿聲拎野食嚕食物方面燒物有以下（根據小妹記憶）肉類：雞肉、豬肉、豬頸肉、牛、雞翼、魚柳、魷魚蔬菜類：翠肉瓜、雞脾菇、南瓜、茄子（應該仲有更多，但小妹攻熟食所以無乜點燒）熟食咖哩牛腩、炸魚、焗蠔、焗
一年一聚已成為了我們每年的指定動作
今年八月四都唔例外
可惜參與人數大不如前
由上幾年十七八人，得返八九個出席活動
雖然係咁，小妹都堅持每年出席，
小妹相信總有一日可以齊齊整整廿幾人一齊出黎食餐飯見下面
今年既聚會人數唔多，所以就決定係區內搞就算嚕
Book左枱七點鐘九個
小妹同班姊妹們乖乖咁六點九到拎枱
因為時間未到，所以要等夠鐘，佢執好枱先能夠入座
環境方面
新裝修之後韓舍以黑色做主色，感覺上較從前高級同乾淨
而係每枱既爐上面都會加設左一個細細地既抽風機
令到成間餐廳唔會咁大油煙
不過其實去得食韓燒，大油煙都係在所難免既
七點鐘入座嚕
九個人得六個人到左
唔理啦入去先啦
（一入座就開始兩個小時計，任食$158加一，飲品就另外收費）
小妹同一眾女士都唔好汽水啤酒，所以無加$18任飲汽水 / $38 任飲啤酒
反而就散叫左ｄ特飲
小妹叫左熱紅棗茶
味道都唔差啵！又唔太甜
之後就拿拿聲拎野食嚕
食物方面
燒物有以下（根據小妹記憶）
肉類：雞肉、豬肉、豬頸肉、牛、雞翼、魚柳、魷魚
蔬菜類：翠肉瓜、雞脾菇、南瓜、茄子
（應該仲有更多，但小妹攻熟食所以無乜點燒）
熟食
咖哩牛腩、炸魚、焗蠔、焗青口、炒雜菜、春卷、豬頸肉、燒骨、炸蝦丸
（仲有好多架，不過小妹唔記得呢，不好意思）
刺身
三文魚、吞拿魚、魷魚、同好多款好多款壽司
沙律
蕃茄、粟米、蕃仔沙律、紅腰豆、生菜等
冷盤
青口、長腳蟹
甜品
朱古力蛋糕、芝士蛋糕、朱古力布朗呢、牛奶布甸、咖啡布甸、雲石芝士蛋糕、糯米磁等等等
（小妹掛住食同傾計，所以唔係影左好多相咋）
小妹最欣賞係ｄ熟食同甜品質素唔錯！係依個價錢依個質素都幾抵食
食物既Refill速度唔錯
同埋款式都唔少，熟食會不停轉款
甜品係驚喜
小妹係甜魔，糯米磁同朱古力蛋糕好味！Encore左多次
糯米磁唔係普通既花生 / 芝麻饀
而係芝士流心饀！而且味道濃得黎唔會太漏
不過因為係糯米皮所以食得多會滯
朱古力蛋糕都出奇地好！
好濃既黑朱古力，唔會過甜，朱古力好滑
燒物大多都係友人們幫手燒夾去小妹個碟
嘻嘻，好幸福！
兩個鐘好快過，食完飽到上心口係門口留左倩影就走嚕
下年八月四我地再見啦！
題外話/補充資料：
韓舍係元朗其實已經開業左好耐嚕，由小妹中學時期到宜家踏入社會做事
大大話話都已經有十年啦
開業初期，韓舍既食物、服務同環境都唔太好
以至於去過一次就無再去
但係近幾年韓舍黎個大裝修
內內外外都已經唔同晒，令人有換然一新既感覺
所以都擔粗粗係個到搞個聚會
好好彩，Feedback都唔錯，會再黎！
(以上食評乃用戶個人意見 , 並不代表OpenRice之觀點。)
張貼
