更多
2013-08-11
1919 瀏覽
匯豐咭有六五折,見幾平,所以一於同老公試下呢間既buffet lunch。個場都睇落唔錯,但食物區唔知太集中定係細,行左個U shape已經行完,感覺好少野食甘。首輪食左我最愛既煙三文魚同沙律,煙三文魚唔錯,但沙律佢標示既係羅馬生菜,但放既係美國生菜,所以覺得怪怪的,另外仲有雜果沙律,薯仔沙律等。海鮮方面,有青口,大蝦及蜆,我冇食到。刺身有三文魚、吞拿魚、立魚及玉子,三文魚入口即溶,夠肥美。熟食選擇不多,有蝦餃,蒜茸小棠菜,燒鴨,燒腩仔,蔗蝦,泰式炒河,印度薄餅及咖哩,燴牛腱,瘦肉粥等,普普通通。湯有蕃茄湯及中式西洋菜湯,前者好酸,後者冇西洋菜味。甜品有芒果布甸(麻麻地),木糠布甸(老公話好味),法式燉蛋,日式紅豆和菓子(唔甜,正!),紅豆綠茶慕絲(綠茶味算幾濃),芒果慕絲,藍梅芝士餅(正常)等。而Dreyers有四個味:薄荷朱古力,杏仁,士多啤梨及芒果味。只見老公食左五六球,佢話冇咩好食wor,所以食左一大碗...總結:甘既價錢甘既選擇,算OK la~
總結:甘既價錢甘既選擇,算OK la~
張貼