遊食吟釀居酒屋 (已結業)

哈哈哈哈， 又到星期五啦， 辛苦咗成個星期，今日更係要對自己好啲，食番個好啲的lunch。佢地有好多選擇，有魚生飯又有烏東又有壽司，我係飯桶當然係揀魚生飯啦！！佢地個份量剛剛好，勝在多野食，一個午餐定食又有沙律，又有味贈湯，當然有主食啦，最後仲有杯飲品送。講下個主食啦，啲飯唔多但係足料，我同個同事一人叫咗一個飯，一個係吞拿魚蓉飯，一個係魚生飯。個吞拿魚蓉飯味道剛剛好，啲魚又唔會太蓉，同啲日本米飯好夾。至於魚生飯呢，啲魚生多到差唔多見唔到飯面，所以話好足料。雖然價錢係貴咗少少，但係有機會一定會encore。