生記飯店 (已搬遷) 新店位置

聽過生記很多次，有人說至少一個星期前要 book 位，更甚者話唔係熟人 book 唔到。當然不會盡信，但至少覺得呢間酒樓會是一間出色的酒樓。懷著很高的期望去食。一行四個人，點了四菜一湯，包括粉葛排骨湯，生炒骨，花生炆豬手，鹽焗雞和勝瓜雲耳豬肝。鹽焗雞肉質可以，算是嫩滑，而雞亦沒有煮得過熟，但覺得鹹味唔夠，感覺似白切雞多d。總是覺得泉章居的鹽焗雞好食d。花生炆豬手都是一般貨色，預左佢地係大鑊煮，但上碟時都可以分得均衡一點，我地果碟d豬手主要都係骨同皮，感覺真的好一般。而且佢地d味道係偏淡，比一般粥麵店的炆豬手淡。我個人比較喜歡濃味一點的。如果純粹比較，跟北角東寶小館的炸豬手實在差太遠了。生炒骨據聞是招牌菜，總算是名不虛傳，這道菜算是整晚最好的了，甜酸均混而且肥瘦適中。加上外層炸得香脆，是水準之作。至於湯和勝瓜雲耳豬肝都是一般貨色而已。整體來說，生記算是一間有水準的酒家，但不能算是一間高水準的酒家，否則希望越大、失望越大。