更多
2013-06-19
2377 瀏覽
舊同事約食飯，地點揀左佢母校紅磡理大的南北小廚。小妹馬上去Openrice睇下有咩好食，點知搵唔到任何update的資料。心諗，唉，實兇多吉少了﹗一出四樓電梯門，睇到南北小廚碩大的玻璃招牌，幾grand喎。長方形的餐廳，佈置簡約明亮，已有幾小圍人在吃晚餐。中年阿叔阿姐笑容滿臉招呼我哋、斟水倒茶。桌上放著兩張圖文並茂的過膠套餐menu及一本深褐色硬皮menu，隨手一揭，嘩，d食物睇落好正喎﹗睇到小妹流晒口水，樣樣都想試，但眼闊肚窄，唔想煩，最後決定揀配白飯、例湯、郊外油菜及甜品的自選小菜套餐。白飯一大碗滿滿的，米香糯，似阿媽住家飯。是日例湯係節瓜豬骨湯，一大碗上，味道清甜、唔會過鹹過淡。飲完湯唔會口乾乾，可見湯不加或少加人工味精，抵讚﹗灼生菜賣相不太好，但大碟菜又鮮又嫩，用嚟送飯中和肉的油膩就超正。自選小菜我哋揀左三款嚟share，首先係橙香骨。小妹一坐下，已嗅到一陣陣酸溜溜、讓人垂涎三尺的香味，舉頭探索源頭，乃後方第三張枱上擺放的橙色肉類食物，對照menu一看，橙香骨也。甫上枱，小妹急不及待夾一大件以解饞。嘩﹗好好好味……鮮橙味香濃、甜中帶酸的軟腍豬肉實在讓人一試難忘，食指大動。雖則叫
一出四樓電梯門，睇到南北小廚碩大的玻璃招牌，幾grand喎。長方形的餐廳，佈置簡約明亮，已有幾小圍人在吃晚餐。中年阿叔阿姐笑容滿臉招呼我哋、斟水倒茶。桌上放著兩張圖文並茂的過膠套餐menu及一本深褐色硬皮menu，隨手一揭，嘩，d食物睇落好正喎﹗睇到小妹流晒口水，樣樣都想試，但眼闊肚窄，唔想煩，最後決定揀配白飯、例湯、郊外油菜及甜品的自選小菜套餐。
白飯一大碗滿滿的，米香糯，似阿媽住家飯。是日例湯係節瓜豬骨湯，一大碗上，味道清甜、唔會過鹹過淡。飲完湯唔會口乾乾，可見湯不加或少加人工味精，抵讚﹗灼生菜賣相不太好，但大碟菜又鮮又嫩，用嚟送飯中和肉的油膩就超正。
自選小菜我哋揀左三款嚟share，首先係橙香骨。小妹一坐下，已嗅到一陣陣酸溜溜、讓人垂涎三尺的香味，舉頭探索源頭，乃後方第三張枱上擺放的橙色肉類食物，對照menu一看，橙香骨也。甫上枱，小妹急不及待夾一大件以解饞。嘩﹗好好好味……鮮橙味香濃、甜中帶酸的軟腍豬肉實在讓人一試難忘，食指大動。雖則叫左橙香骨，然骨不多，啖啖香滑腍的瘦豬肉。美中不足的是，部份略帶肥肉，要咬走啊﹗
接著，係梅菜扣肉煲。煲內有五大塊香氣撲鼻、入味軟腍、厚度適中、肥瘦相間的豬腩肉，煲底鋪滿切碎了的梅菜，以生菜托底。梅菜略嫌未夠鹹香，且切得較為細碎，否則，更有畫龍點睛之效。扣肉一口咬下，肉汁四溢。一啖白飯、一啖扣肉、一啖白菜，簡直係人間極品﹗
叫左兩款咁肥膩的肉類小菜，當然要叫素食中和下，同事揀左(素)碧綠素帶子。八大件略炸過的玉子豆腐外香內滑，帶有陣陣牛油味，香濃軟滑，口感絕佳。下層鋪有略略灼過、偏生的西蘭花，上面淋上以太白粉打芡的醬汁，味道清淡鮮爽。
最後，送上杏汁粟米糖水。淡淡杏汁味、底加幾粒粟米粒，口感清淡。小妹向來不太好杏汁甜品都能接受到陣味，ok。
是次用餐經驗頗為愉快：食物平宜、質素高；環境夠靜，啱談心；服務周到、攞滿分﹗期待下次再度光臨……
張貼
