上海婆婆336 (已結業)

真係未遇過咁差的服務。好鍾意食上海菜，平日都有去開佢地間店，但近期佢地服務真係好差。 昨晚二人六點九去到，當時仲有好多位，個樓面隨手指我地坐底，我地選左個各落的卡位，因為腸胃差，只點了兩道菜，食物一般啦，d野食都上得好快，但係就係我地食緊ge時候有個束長髪的女人不停咁走過來check住，真係好滋擾。一食完立即個女人都立即過來收野，但係當你叫佢沖茶，佢應佢就算，其他人拎住個茶壺走踱步過來看看，明明見到你空杯都扮睇唔到，到你想叫佢就立即轉身，，等左好耐(5分鍾)，也沒有加水。之後我要大聲叫唔該先有個阿姐走來加了半杯，然後又是一樣，我地又好口渴於是埋單走了。情況同上次一樣，不過上次我以為係因為叫個生手的part-time所以他應佢就算，但經過今次，我發現這做法原來係佢地一貫技倆。其實佢地絕對唔係忙，幾個樓面聚在遠處，而我地走時只有幾個人等位。以前入坐有人會要求你交檯，坐邊度又係你定，說清楚我會接受，但係你無講明又唔提供應有服務就係你地有問題。你間鋪又收茶錢又加一服務費，咁樣無禮迫人交檯太過份。