更多
2013-05-04
1488 瀏覽
是日看完IMAX 3D Ironman3,諗住喺iSquare食埋晏先回家補眠,正在傷腦筋之際,醒起呢間 Cafe 一路冇幫襯過,二話不說直奔三樓。由於時間很早,12點左右,店剛打開門做生意,得兩枱人,不過店內亦只得一位服務員,我地企喺門口待數分鐘才被安排入座!眼看這店員又要落單,又要安排人客入座(我地之後還有幾枱客),又要沖咖啡,又要serve食物,真係超忙!難得既係佢只有手忙而冇亂,而且面帶笑容,過了好一陣子才有其他同事上班,稍為減輕此店員既workload,不過仍然好忙!原本以為Cafe主力賣同集團既麵包﹑三文治,誰不知餐牌內容極其豐富,除了三文治﹑漢堡﹑沙律等輕食外,仲有 Pizza ﹑意粉同扒類,而且全部賣相都好吸引,真的想一次過多試幾款。由於老公很累,胃口不太好,所以只點了吉列豬扒三文治及 Supreme Hamburger,諗住快啲食完快回家。初時諗住吉列豬扒三文治會好細份,豬扒會粉多兼油立立,一上桌就嘩一聲,因為份量足之餘,仲見倒佢塊厚切豬扒炸得好靚,而且三文治夾了 Wasabi椰菜絲,減輕了油膩感,咬下去好滿足呢!至於漢堡呢,睇相都見倒好得了吧!喺包內既餡料非常足,除
原本以為Cafe主力賣同集團既麵包﹑三文治,誰不知餐牌內容極其豐富,除了三文治﹑漢堡﹑沙律等輕食外,仲有 Pizza ﹑意粉同扒類,而且全部賣相都好吸引,真的想一次過多試幾款。由於老公很累,胃口不太好,所以只點了吉列豬扒三文治及 Supreme Hamburger,諗住快啲食完快回家。
初時諗住吉列豬扒三文治會好細份,豬扒會粉多兼油立立,一上桌就嘩一聲,因為份量足之餘,仲見倒佢塊厚切豬扒炸得好靚,而且三文治夾了 Wasabi椰菜絲,減輕了油膩感,咬下去好滿足呢!至於漢堡呢,睇相都見倒好得了吧!喺包內既餡料非常足,除了蕃茄﹑生菜﹑芝士﹑漢堡扒外,還有牛油果同煙肉,旁邊還有厚切薯條同沙律菜,以一般用於serve pizza既木板上桌,賣相好吸引,未食已加分。味道更係出乎意料之外的好,沒想到漢堡扒帶牛味,肉汁豐富,好正!
下次我要試埋佢既扒同 Pizza...吖... 都係多叫幾個朋友... 實行食多幾樣包括靚靚甜品,再同大家分享!
張貼