夢工房西日料理 (已結業)

夜晚諗唔到食咩，上OPENRICE望下，見葵芳都有放題食於是撘車出去試下。約8:00到達，無訂枱都有位，唔駛等位。除左放題仲有晚餐供應。放題食物種類唔多，點左一轉已經唔知食咩好。唯一刺身算多選擇有我最愛既火炙壽司，但係得三款 : 牛、三文魚、蟹腳。但好彩舊飯細舊，可以食多幾件。炸雞翼好咸，炸豆腐無味。雞腎同冬菇唔錯。不過一串得兩粒少左啲。除左日式野，仲有啲西式野。有牛扖、羊架。不過唔想食呢啲，所以淨係叫左個BB薯試下。將薯仔切粒粒再加蕃茄同芝士焗，幾好食不過好快會食濟，哈哈。