更多
2013-04-24
1805 瀏覽
見到OpenRice咁多好評語，自然好想試下呢間逸亭，今次終於嚟到啦！ 唔知乜原因，今過星期六自助午餐改為1:00pm-3:00pm... 12:45pm到達，但侍應小姐話餐廳正在整理中，於是在外面lobby等咗約10分鐘。四周圍望咗一陣，發覺原來間酒店佈置得都幾懷舊，好似去咗六、七十年代咁，亦相信佢應該唔少年紀啦！ 侍應先生態度都好好，好快就安排檯比我哋。 首先，去食吓魚生，師父都幾鬆手，好厚切呀^^ 有三款：三文魚、鱆紅魚，希靈魚。 三文魚：幾肥美，好味！希靈魚: 好彈牙 !鱆紅魚: 冇試 沙律菜都算多選擇，唔錯。 凍食有: 蜆，蝦，青口，味道OK！ 熱盆：蒸龍利柳，味道竟然不錯！(雖然不是甚麼貴價深海魚)豬腳薑: 好味道！叉燒、燒肉 : 好味！另外有燒雞，豬脾肉，咖喱牛腩，燴菜，焗薯仔等... 望落去唔錯，但奈何食量有限，好多款都冇試！ 湯: 除咗有蓮藕豬骨湯，磨菇忌廉湯，仲有肉骨茶添, 好味！ 此外，海南雞飯，有燒牛肉，即煮自選粉麵，湯底有越式牛肉同叻沙濃湯。 友人話味道不錯 ! 甜品: 新鮮生果，豆腐花，自制waffle, Dreyers雪糕，焦糖燉蛋，杏仁豆腐，多
見到OpenRice咁多好評語，自然好想試下呢間逸亭，今次終於嚟到啦！
唔知乜原因，今過星期六自助午餐改為1:00pm-3:00pm...
12:45pm到達，但侍應小姐話餐廳正在整理中，於是在外面lobby等咗約10分鐘。四周圍望咗一陣，發覺原來間酒店佈置得都幾懷舊，好似去咗六、七十年代咁，亦相信佢應該唔少年紀啦！
侍應先生態度都好好，好快就安排檯比我哋。
首先，去食吓魚生，師父都幾鬆手，好厚切呀^^ 有三款：三文魚、鱆紅魚，希靈魚。
三文魚：幾肥美，好味！
希靈魚: 好彈牙 !
鱆紅魚: 冇試
沙律菜都算多選擇，唔錯。
凍食有: 蜆，蝦，青口，味道OK！
熱盆：蒸龍利柳，味道竟然不錯！(雖然不是甚麼貴價深海魚)
豬腳薑: 好味道！
叉燒、燒肉 : 好味！
另外有燒雞，豬脾肉，咖喱牛腩，燴菜，焗薯仔等... 望落去唔錯，但奈何食量有限，好多款都冇試！
湯: 除咗有蓮藕豬骨湯，磨菇忌廉湯，仲有肉骨茶添, 好味！
此外，海南雞飯，有燒牛肉，即煮自選粉麵，湯底有越式牛肉同叻沙濃湯。 友人話味道不錯 !
甜品: 新鮮生果，豆腐花，自制waffle, Dreyers雪糕，焦糖燉蛋，杏仁豆腐，多款精緻餅及蛋糕 .... 好味道！
自助飲品: 汽水，檸檬水/茶, coffee
食物整體上都唔錯，refill 速度都好快, 此終$198/位(有65折)，非常抵食。
*同場見有一班老人家去食，約7、8人，無論男女，原來都食量驚人，佢哋食得好開心添！
(長者、10歲以下小童，$168/位，65折)
題外話/補充資料：
差唔多食到2:45pm時，侍應已通知自助餐時間快到，請盡快去取食物。
到咗3:10pm過後，好多人依然仲去拎食物，但餐廳完全冇阻止客人，抵讚！
不過，過咗10分鐘後，侍應同廚師都陸續出嚟清理食物，眼見一盆盆、依然熱辣辣嘅熟食倒哂落垃圾車仔度，個心突然酸溜溜咁！◑︿◐
*** 好希望餐廳方面能聯絡有關機構，都齊齊參與食物回收行動！
(以上食評乃用戶個人意見 , 並不代表OpenRice之觀點。)
張貼
