更多
2013-04-22
760 瀏覽
上次食完覺得幾好味... 今次一行16人想打邊爐所以再嚟過~~~ 今次又係安排咗一間房俾我哋, 自成一角, 幾嘈都唔怕!!! 雖然今次都唔差, 不過比起上次, 樣樣都差啲啲咁!!!先講湯底...我覺得打邊爐, 最最最最最最最最重要真係個湯底, 個湯底真係會影響哂所有嘢食嘅味道!!! 今次叫左呢3個湯底...1. 清湯...比較穩陣2. 胡椒豬肚湯...好淡咪, 完全食唔到胡椒味, 直頭少少辣味都冇!!! 不過尚算足料...3. 四川麻辣湯底...唔算太麻辣, 我諗咸味仲勁過辣味, 唔似好正式嘅麻辣窩, 亦因為咁, 所以個湯唔太油膩!!! 雖然湯底差d, 好在啲食物勁新鮮~ 因為實在叫得太多嘢食, 我淨係highlight以下幾樣! 花甲: 超新鮮, 超大隻, 不過一客好似得5,6隻, 同埋有幾隻有少少沙! 蟶子: 好新鮮, 不過唔算大隻... 淥到離殼就食得, 超鮮甜, 超爽! 逐隻order, 以呢個價錢嚟講有少少貴~ 牛頸脊: 一D都唔"un", 唔算好薄切, 不過淥耐咗都唔怕! 夠牛味!!! 美國肥牛: 雪花分佈均勻...唔會太肥, 一D都唔"孩"!!! 麻辣湯底淥一流!!!
先講湯底...我覺得打邊爐, 最最最最最最最最重要真係個湯底, 個湯底真係會影響哂所有嘢食嘅味道!!! 今次叫左呢3個湯底...
1. 清湯...比較穩陣
2. 胡椒豬肚湯...好淡咪, 完全食唔到胡椒味, 直頭少少辣味都冇!!! 不過尚算足料...
3. 四川麻辣湯底...唔算太麻辣, 我諗咸味仲勁過辣味, 唔似好正式嘅麻辣窩, 亦因為咁, 所以個湯唔太油膩!!!
雖然湯底差d, 好在啲食物勁新鮮~ 因為實在叫得太多嘢食, 我淨係highlight以下幾樣!
花甲: 超新鮮, 超大隻, 不過一客好似得5,6隻, 同埋有幾隻有少少沙!
蟶子: 好新鮮, 不過唔算大隻... 淥到離殼就食得, 超鮮甜, 超爽! 逐隻order, 以呢個價錢嚟講有少少貴~
牛頸脊: 一D都唔"un", 唔算好薄切, 不過淥耐咗都唔怕! 夠牛味!!!
美國肥牛: 雪花分佈均勻...唔會太肥, 一D都唔"孩"!!! 麻辣湯底淥一流!!!
黑豚肉: 好薄切, 不過好大塊, 好快熟, 唔洗淥太耐, 好滑!
奶黃水晶包: 略嫌個皮有啲厚, 但個流沙奶黃餡好好味!
粟米: 超甜...喺我已經好飽嗰時都食咗幾舊.
美國桶蠔: 勁大隻, 亦都好夠蠔味!
午餐肉: 餐肉打邊爐勁正, 成舊咬都唔會覺得"漏"...
其他正路打邊爐會order嘅嘢食 (例如菜呀, 響鈴, 炸魚皮, 丸類, 餃子...嗰d) 就唔多講!!!
仲有呢幾樣小食...
老友鬼鬼: 上次炸得超好味, 今次好硬, 好乾, 個油炸鬼好黑...唔知係炸得太耐定番炸!
酸姜皮蛋: 好流心... 本身諗住等D嘢食熟之前食, 可能琴日星期日人多, 啲單出唔切, 愈遲叫嘅嘢食上得愈快! 呢個皮蛋食到中段先出現...
最後...無論幾飽都要食佢嘅甜品 - 椰汁糕 & 桂花糕!!! 尤其是個椰汁糕, 好清, 唔太甜, 清走打完邊爐個油膩感! 雖然今次食物方面差少少...但服務都係激讚ga!!!!!!
張貼