小南國 (已結業) 查看

有朋自遠方來, 要求食上海菜. 食物要有質素之餘又要坐得舒服, 揀了小南國.以為平日晚上會較少人, 但原來全店滿座. 是晚坐梳化位, 雖然與鄰檯相隔不遠,但空間尚算足夠.前菜點了四喜烤夫 - 味道OK, 無特別.芝麻蔥油餅 - 上檯時熱辣辣, 芝麻多, 與其說是蔥油餅, 這個更似芝麻包, 因為蔥不夠多; 如果以芝麻包計, 好食滿分! 但若以蔥油餅計, 這個嚴重失分!小籠包 - 皮薄不易穿且多汁, 肉質嫩滑, 好食!上海炒年糕 - 年糕沾滿菜, 不會黐埋一大舊, 又不會太油, 好食但無特別.砂鍋雲吞雞湯 - 上檯時每碗都有個有火器皿在底部保持溫熱, 賣相滿分! 雲吞雞湯十分足料, 雲吞夠大粒, 雞肉尚算嫩滑, 白菜也夠爽口. 最難得的是湯並不油, 有驚喜!外婆紅燒肉 - 大盅上檯, 屬另一賣相滿分之作, 可惜原來內層很細(淺), 有點被騙感覺. 不過紅燒腩肉軟腍入味, 每舊少少肥膏可以接受; 墊底的秀珍茹亦很入味, 好食!服務方面, 除了一位說話細聲兼口齒不清的男侍應外, 其他都沒有問題.總括來說小南國食物具一定質素, 價錢則偏向中上檔; 若有事慶祝或宴請親朋可考慮再幫襯.