更多
2013-04-11
254 瀏覽
12月16日, 灣仔再興燒味有幾正已經毋須再多講~ 今次想寫下令人喜出望外嘅喜喜燒臘, 係再興以外另一間好味燒臘茶記! 是日出開灣仔會展, 於是亦順便喺附近搵食, 搵到呢間好評唔算多, 但勝在有個十分吸引人嘅乳豬三寶飯食, 結果喺無乜期望下反而覺得仲有驚喜!::: 乳豬三寶飯 + 凍奶茶 ::: $48 + $2乳豬三寶飯顧名思義就一定有乳豬做主打~ 而另外嘅孖寶就可以任你選拼, 我就揀咗叉燒同油雞! 估唔到呢個三拼飯每份燒味份量都唔少, 樣樣比足五、六件~ 乳豬皮都幾脆, 豬肉亦夠嫩, 美中不足係肥膏厚咗d~ 叉燒反而就瘦底, 不過好在咬落又無話太硬太韌. 油雞比咗背位, 豉油味夠肉亦唔太韌, 同乳豬一樣衰在個皮太肥唧! 第一次嚟食乜都唔識就咁由伙記落單, 事後望到隔離枱個乳豬又可以要瘦d, 燒鵝仲有得揀要髀位! 下次真係要再醒d!凍奶茶望落好似奶多到離晒譜咁, 其實只係未攪勻… 攪勻後色水同普通奶茶其實一樣~ 不過呢杯奶茶奶味濃d, 但濃得嚟又唔會蓋過d茶味, 兩者比例得宜, 其實好好飲!::: 臘味飯 + 凍檸茶 ::: $36 + $8秋冬時間最好就係食臘味, 呢個臘味飯有齊臘
::: 乳豬三寶飯 + 凍奶茶 ::: $48 + $2
乳豬三寶飯顧名思義就一定有乳豬做主打~ 而另外嘅孖寶就可以任你選拼, 我就揀咗叉燒同油雞! 估唔到呢個三拼飯每份燒味份量都唔少, 樣樣比足五、六件~ 乳豬皮都幾脆, 豬肉亦夠嫩, 美中不足係肥膏厚咗d~ 叉燒反而就瘦底, 不過好在咬落又無話太硬太韌. 油雞比咗背位, 豉油味夠肉亦唔太韌, 同乳豬一樣衰在個皮太肥唧! 第一次嚟食乜都唔識就咁由伙記落單, 事後望到隔離枱個乳豬又可以要瘦d, 燒鵝仲有得揀要髀位! 下次真係要再醒d!
凍奶茶望落好似奶多到離晒譜咁, 其實只係未攪勻… 攪勻後色水同普通奶茶其實一樣~ 不過呢杯奶茶奶味濃d, 但濃得嚟又唔會蓋過d茶味, 兩者比例得宜, 其實好好飲!
::: 臘味飯 + 凍檸茶 ::: $36 + $8秋冬時間最好就係食臘味, 呢個臘味飯有齊臘腸潤腸臘肉, 幾足料~ 臘腸潤腸油潤得嚟唔會太肥膩, 冇咬口之餘亦都唔會好韌~ 臘肉份量真係好多, 不過肉質過韌, 要咬好耐, 牙都軟… 另外想讚下佢豉油冇特別要求都俾幾多, 仲有條菜, 有良心~
凍檸茶一貫貨仔, 都有好幾片檸檬, 幾新鮮, 茶味濃, 比較甜, 唔想咁甜要少甜先得~
今次我同呀比都覺得我地食到間幾唔錯嘅燒味飯! 老實講論燒味質素佢同再興未必有得比, 但乳豬飯本身已經少見, 佢仲可以比你咁隨意拼嚟拼去, 其他燒味臘味飯配搭又多~ 野飲仲要沖得唔馬虎~ 真係幾唔錯了!
張貼
