更多
2013-03-31
62 瀏覽
29/3/2013 大好日子~約左朋友仔一齊去觀塘捐血~之後來個輕鬆下午茶!!喺Action 之前已經決定好將會食D乜野, 最後出現左少少意外,所以去左呢到食泰國TEA~每去到一個主題餐廳,都會有一D必食之選,就好似去德國餐廳會食咸豬手,去瑞士餐廳要食佢個芝士火鍋一樣~黎到泰國餐廳,必然要點返几樣呢到話好出名拿手小菜~!!雖然係假期,不過幸好唔洗點等位就可以入坐, 未行夠三步就比佢’’跣’’左野真係地下濕滑果D跣~真係嚇到花容失色, 真係估唔到商場入面既餐廳好似去左街市咁,要步步為營!!又唔見佢地棟住個牌叫大家小心地滑..年紀大少少你話點算呢~~餐廳地方唔算細,可能呢個時段冇咩人,我地兩個人可以坐張四人枱,D枱好大張,但係擺得太密,走廊好迫,有少少肥既話行過會撞枱兩張枱既距離好近,隔離枱就算只係平常音調講野,我地都可以聽得好清楚~冇咩私人空間感!睇過份餐牌落單啦~款式好多,D相睇落好精美~~我地兩個人都未食早午飯,所以乜都想食~!最後點左:下午茶套餐A - 芒果糯米 –好好味~有80分LA芒果好新鮮唔會放得太耐,好鮮黃,D糯米軟硬適中,感覺唔會因煮得太耐變糊狀,入口仲會有粒粒既感覺
大好日子~約左朋友仔一齊去觀塘捐血~之後來個輕鬆下午茶!!
喺Action 之前已經決定好將會食D乜野, 最後出現左少少意外,所以去左呢到食泰國TEA~
每去到一個主題餐廳,都會有一D必食之選,
就好似去德國餐廳會食咸豬手,去瑞士餐廳要食佢個芝士火鍋一樣~
黎到泰國餐廳,必然要點返几樣呢到話好出名拿手小菜~!!
雖然係假期,不過幸好唔洗點等位就可以入坐, 未行夠三步就比佢’’跣’’左野
真係地下濕滑果D跣~真係嚇到花容失色, 真係估唔到商場入面既餐廳好似去左街市咁,要步步為營!!
又唔見佢地棟住個牌叫大家小心地滑..年紀大少少你話點算呢~~
餐廳地方唔算細,可能呢個時段冇咩人,我地兩個人可以坐張四人枱,
D枱好大張,但係擺得太密,走廊好迫,有少少肥既話行過會撞枱
兩張枱既距離好近,隔離枱就算只係平常音調講野,我地都可以聽得好清楚~冇咩私人空間感!
睇過份餐牌落單啦~款式好多,D相睇落好精美~~我地兩個人都未食早午飯,所以乜都想食~!
最後點左:
下午茶套餐A
- 芒果糯米 –好好味~有80分LA芒果好新鮮唔會放得太耐,好鮮黃,D糯米軟硬適中,感覺唔會因煮得太耐變糊狀,入口仲會有粒粒既感覺,對我黎講最開心係佢唔會太甜~! GOOD!
- 柚子沙律 –柚子加埋腰果,同D魚干仔一齊,仲有少少沙律醋,食落清新仲有少少咸咸地酸酸地既感覺,配搭適宜,唔錯~
- XX 炒雜菜 – 好奇怪的菜式,食唔出泰國口味~我地叫佢做清炒時菜,..如果佢係加埋馬拉箋又唔同D~!
- 黃咖哩鷄+薄餅(3件) –食落好有食’’貨尾’’既感覺, 咖哩汁本身味道唔錯,唔會太水而且有少少耶子香味,不過D鷄件就強差人意~未夾起都爛爛地,絕對相信佢係’’大量製成’’左好一段日子~唉~~TEA SET都可以做好D啊~~加埋三塊油到爆的’’薄餅’’..冇錯,佢講係薄餅唔係油餅,所以見佢多油到咁都唔係咁想試, 佢唔止多油,而且仲好好’’咬口’’,軔到用刀都好難切開~!基於唔好浪費食物,所以我地點沾咖哩食埋佢!!
青木瓜牛肉沙律 – 青木瓜沙律本身味道好吸引,有少少辣少少酸非常開胃, 但上面的三塊牛內食落感覺真係奇怪,感覺就好似經強烈醃過之後拎去小煎片刻,表面唔會有濃濃地既感覺,入口亦唔出好重既牛肉味..
招牌出名’’香芒軟縠蟹紙米卷’’ – 叫得做招牌應該會係水準之作啦~! 賣相好吸引~一睇會覺得好好食,點知令人失望~D生菜同芒果仍然係清新好味,而且包得好結實,唔會一夾就散,但紙米卷一D都唔’’紙’’~可能係用糯米做,所以比較韌,最可惜係佢D軟縠蟹,食落好似食炸粉咁,冇咩肉之餘,仲好似炸起左好耐,又淋又凍又唔脆~ 真係想退貨~
泰式扎肉鳯笊 – 去到食泰國野,點可以唔點佢的無骨酸辣鳯笊!!YO~~賣相真係好吸引!!多種顏色蔬菜配搭得好靚~睇到已經好開心~食入口覺得味道太淡,唔知係咪要配合香港人口味,結果唔夠酸又唔夠辣,好可惜~~
茄子鷄肉干咖哩 – 呢碟的咖哩入口已經好明顯唔同套餐的咖哩LA.入口顯然比較辣,加上面頭燒過的香葉,更覺惹味!!嗯~~我喺外面食過正宗的干咖哩係唔會有汁的, 可能呢D就係呢間舖所謂’’干咖哩’’既獨有特色!!鷄件係選用大塊鷄扒,相信係用煎的方法煮,煎得唔會太過火,所以冇外脆內軟既感覺!!
總括黎講 : 賣相好吸引…食落好頂癮~一試無防,如無意外應該唔會有下次 ~~~!
題外話/補充資料:
題外話LA….可能由於我地枱既位置就係電腦入單的前面,
喺我地用餐其間,几位服務員就企喺電腦前面私私細語,成日講D客人點點點,
當中我的朋友聽到佢地有意無意咁暗示話我地叫咁多嘢食會唔會食得晒,
仲要唔止講一兩次…
食到咁上下,有個服務員小姐走埋黎, 話做一個意見調查,
話我地叫左咁多款式, 邊樣係最好同問點解…..
心諗如我地有心比意見, 我地大可以寫喺佢張意見書到,之後仲可能有優惠TIM!
相信唔洗或唔會由一個服務員姐姐黎做收集意見
問完係咁咦寫兩隻字喺佢張落單紙到,
之後又唔係比個折頭又冇咩優惠又冇添食比我地…
成個動作我地覺得好似比人玩左野同好滋擾好不爽~
一直都知道KING GROUP的主題餐廳,好多都係好睇唔好食,
估唔到佢地D員工都咁中意玩~希望佢地可以喺各方面會有更好改善…
(以上食評乃用戶個人意見 , 並不代表OpenRice之觀點。)
張貼