更多
2013-03-08
1505 瀏覽
在年近歲晚的一個星期日晚, 到來這裡作為我倆的團年飯,好久沒有來這裡用膳了, 隱約記得以前的位置並不是在這麼遠, 而且位置偏向比較旁邊了, 正中位置被用作宴會擺酒之用,當晚就有幾對新人在這裡擺喜酒,時移勢奕現在連擺酒店可能都會感覺未夠派頭, 還有那些專搞婚禮的planner專門幫新人設計好讓新人花得豪,但如果勉強自己在這些地方搞一次喜酒可能要還上幾年卡数呢! 是否真的值得而且意義真的只在那區區数小時就見人見智了,說回那晚的自助餐, 一入門口好大個位置擺放了大半是印度式美食, 雖然自己並不是很食得辣那種, 但林林種種放於一起,加上這類型印式美食顏色特別鮮艷,即使睇都感覺很搶眼那種,尤其是紅色的Tendorii 雞/魚之類, 少試了一些都是中辣的, 好好食唔講得但唔難食嗰隻,同區還有一些串燒沙爹雞/豬之類的, 試食過後感覺肉質細緻但同時個汁調得好有甜加少辣的味道,好有街頭小食那風味,同一個師傅還會做一些炸物, 都好吸引,海鮮區則是擺成半座山那樣, 一般的長腳蟹, 青口, 熟蝦都有, 這裡的長腳蟹算合格了起碼感覺到食緊蟹肉沒有太多雪水在內, 雖然蟹肉嘅鮮味就無乜, 青口就普普通通啦, 熟蝦肉
海鮮區則是擺成半座山那樣, 一般的長腳蟹, 青口, 熟蝦都有, 這裡的長腳蟹算合格了起碼感覺到食緊蟹肉沒有太多雪水在內, 雖然蟹肉嘅鮮味就無乜, 青口就普普通通啦, 熟蝦肉都算爽口嘅,
沙律吧都有好多選擇, 但由於當天要集中食其他美食,唯有放棄自己喜愛的沙律了
小食方面試了即做嘅唔知係鴨肝定鵝肝多士, 如果好此道者一定好開心, 因為任食任攞, 不停咁煎呀煎呀, 自已只是要一件就夠了, 每件肝尺碼也不少整整會蓋過下面那法飽多士, 配一個甜甜地嘅汁, 好正常的配搭,但油份豐厚一件已經好足夠, 同一個廚房有另一廚師負責即做海鮮湯, 同時要了一個湯, 湯底好重海鮮味亦應該有落蟹做湯底, 所以那甲殼類的味道頗濃, 廚師其實只是將半熟的料頭加大湯煮番埋一斉,不過又真的好好味,隻蝦緊緊熟,D蜆雖然只是本地貨但也配合得宜,想飲多一份但胃部沒有位置了
另一樣野在這裡感覺好食的是,”芝士” 拼盤,雖然只有五種但每種都好純,好有奶香且滑,羊奶芝士重幾騷下同最基本的梳打餅配搭又是那麼突出到芝味, 唔知係芝士好味定係件梳打餅真係咁好味, 連件餅都好似比平時街買的好味好多咁?!
論到燒牛肉一入嚟已經釘實佢, 因為早到的關係, 一進場只見到兩舊深啡色的牛肉,體積真的比對一個枕頭咁大,所以要等佢切至中間都要等成個鍾咁滯,但都係值得的, 因為中間部份實在好軟熟, 只有四成左右熟, 加些少燒汁食無以上之, 為它而來的客人應該會覺不枉此行, 不過也是想貪心食多一片都無位了,
壽司吧的食物方面, 魚生種類不多, 都是三文魚,北寄貝, 劍魚腩, 腐皮, 蛋之類的, 還有即做手卷,自己只要了手卷, 同心愛的腐皮壽司, 捲”手卷”的阿姐手勢很好,捲得扎實吃起來方便, 蒸蛋就一般啦,可吃可不吃
中式方面, 最得是蛇羹, 料足之餘果皮夠香但亦可能果皮的關係隱約有好輕微的苦味, 羹內滿是蛇肉絲,雞肉絲, 湯頭又鮮甜沒有人工味,再來一個燉湯, 同樣出色只是燉湯通常給人印象比較一般, 因為燉湯是將上湯放入燉的器皿內跟住就是”等”就可以了, 但其實做得好應該還有多些心思要花的, 可不是簡單的”等”就可以了,鎮江骨也是這裡中菜部食過的中式食物內較出色的一個, 肉質帶一點爽脆,個汁夠甜味又帶點點醋味, 條蒸魚就麻麻了,
到甜品蛋糕的時候經已飽得很,雖然有吃了幾款但可能之前吃得太飽, 再好吃的甜品也感動不了
張貼
