萃華酒家 (已結業)

我同老公太喜歡食乳鴿，每隔一段時間都會去大圍食乳鴿。食乳鴿最出名的兩間酒家(楓林及萃華)都在大圍，仲要在同一條街。兩間都食過，比較喜歡前者，因為價錢比較平一點點及小菜水準較高。至於乳鴿，兩間都好味。今晚突然興起想食乳鴿，老公立即BOOK 位，楓林已Full，萃華依然有位。去到門口，去楓林博一博，依然無位。唯有去萃華。先看Menu，乳鴿又加價 ~要$90。每次到訪都加價，已經麻木了。其他小菜都不便宜，好似蝦仁炒蛋都要 $140。到來的目的都是為了乳鴒，所以叫一個普通小菜便算。紅燒乳鴿 $90招牌菜，每次同老公一人一隻，要原隻上 !! 原隻上係最好味，因為肉汁先可保留。送上後，首先撕了個頭，再撕開隻脾， 嘩!! d肉汁及油就"吧吧"聲漏出黎， 好juicy啊!! 咬落皮脆肉嫩，一d都唔肥，鹹味調得剛好，不用再加椒鹽或豉油，都好夠味。乳鴿的肝及腎都有跟，但腎的數量比肝多。肝及腎都是凍的， 沒有翻熱，而且韌。D蝦片好脆好味。蘿白牛腩 $128嘩!! 好咸.....咸到食唔到。牛腩唔太淋，但都可以咬開。牛筋有太肥膏連住。蘿白夠淋，可惜個汁太咸，咸味入洒蘿白，咸!炸饅頭 (6只) $30熱辣辣，金