更多
2013-01-03
85 瀏覽
如果各位不是為尋舊夢、食懷舊風'的話, 美都。。。絕對是可以'不'試!今日下午不用上班, 特意要Honey同我嚟食焗豬扒飯, 佢同屋企人嚟過無咩興趣再食但我未食過呢間o麻, 好似人人都要朝聖咁...搞到我 成日心思思成日想'到此一遊', 好喇, 今日一試就知中伏喇...Honey就梗係笑我啦, 話我唔試唔心息, 一早講咗係咁我又無耳性....etc etc....知喇我終於知喇! 我叫咗焗豬扒飯, 涷鴛鴦少甜, 佢食焗葡國雞飯. 先講凍鴦: 不香不濃不滑, 總之...比起新華, 翠x, 太x, 順x.....etc, 都差得多! 唔知熱飲會唔會好啲, 但應該要再嚟嘅機會都係好渺茫. 焗豬扒飯: 成個飯俾我嘅感覺係: 好削! 個汁, 唔酸唔甜唔香唔濃唔係好知想點, 豬扒切到細細條, 無咩入唔入味、好唔好味嘅感覺, 如果勉強要評, 只會說'柴柴地'唔識形容...幾十蚊個飯的豬扒當然預咗唔滑、無肉汁、'鞋拾拾'無期望所以我預咗! 個飯份量一般, 女仔都勉強ok, 男仔可能略嫌細碟, 最唔掂係圍邊好多焗乾了的飯粒, 我部手機鏡頭普通都影得到啲飯粒唔掂咁都真係好唔得! 控
今日下午不用上班, 特意要Honey同我嚟食焗豬扒飯, 佢同屋企人嚟過無咩興趣再食但我未食過呢間o麻, 好似人人都要朝聖咁...搞到我 成日心思思成日想'到此一遊', 好喇, 今日一試就知中伏喇...Honey就梗係笑我啦, 話我唔試唔心息, 一早講咗係咁我又無耳性....etc etc....知喇我終於知喇!
我叫咗焗豬扒飯, 涷鴛鴦少甜, 佢食焗葡國雞飯. 先講凍鴦: 不香不濃不滑, 總之...比起新華, 翠x, 太x, 順x.....etc, 都差得多! 唔知熱飲會唔會好啲, 但應該要再嚟嘅機會都係好渺茫. 焗豬扒飯: 成個飯俾我嘅感覺係: 好削! 個汁, 唔酸唔甜唔香唔濃唔係好知想點, 豬扒切到細細條, 無咩入唔入味、好唔好味嘅感覺, 如果勉強要評, 只會說'柴柴地'唔識形容...幾十蚊個飯的豬扒當然預咗唔滑、無肉汁、'鞋拾拾'無期望所以我預咗! 個飯份量一般, 女仔都勉強ok, 男仔可能略嫌細碟, 最唔掂係圍邊好多焗乾了的飯粒, 我部手機鏡頭普通都影得到啲飯粒唔掂咁都真係好唔得! 控制火侯方面似乎疏忽了! 一件蕃茄(更加無什菜菠蘿洋葱咩都無), 我知....正宗呀o麻! 齋豬扒ok! 如果好食我唔介意, 但真係'不是我杯茶'!
焗葡國雞飯反而好少少, 個汁雖則偏咸, 但至少雞件同配菜有味過我個飯, 但只可評為普通, 唔會覺得'下次再嚟食呢個飯先'咁囉。。。 服務尚算滿意, 要滾水有滾水要落單要執枱即做, 所以總評我沒俾'喊面'只說'ok'. 何況我真係好希望係店方一時失手!
寫這篇食評是希望餐廳方面有管理人會看到, 肯放多啲心機在保持食物質素方面, 當然, 我知道"美都"個名夠晒做, 因為間中就上電影/電視劇又取場景! 當日所見亦有好多遊客慕名而來, 外籍人/自由行...帶住長鏡相機為影碟飯都有幾枱, 但一個咁普通...(俾大家'鑊'賣到成行成市的焗豬扒飯, 而且好明顯, 人家快餐質素比你好吃的話...), 如果你幾十年老鋪都做唔好, 真係令人失望...希望有改善, 我有重訪的一天, 雖然我起咗條咁嘅題, 但如果某月某日見到食物好評如潮我一定再嚟試! 2013第一篇食評就係希望你會做好啲唔好浪費食客對你的'厚愛'! (大佬呀, 食物一般, 間嘢又保養得o麻o麻咋, 去洗手間見到後巷直頭唔想返頭吃....依家好多茶餐廳都改善晒喇, 你仲等咩? 快快快行動啦! )
張貼
