錦丼 (iSQUARE國際廣場) (已結業)

跟朋友仔食飯，相約在TST，見到雜誌有介紹過，新開的，好似幾吸引，就嚟一試~~~ 因為無得book位，所以係度等咗成半個鐘先有位（around 8 pm, 都有成廿人，不過佢門口有d stool 俾大家坐吓，但梗係唔夠啦）等o既時候睇定menu都幾吸引咁~~~我同朋友仔一人一個丼，我選的是錦丼（雜誌介紹過的），朋友仔要了個三文魚飯。三文魚飯好唔吸引，超頹的！生、熟都有，應該都有6片我的錦丼也來了，也不是太吸引，同張圖都出入幾大！ 蒸蛋是跟set 的，一般啦！到食返個丼，D魚生好似唔係太新鮮，完全無"wow"!!! 款色就大概有十款左右啦~~~D丼嚟到見到portion 唔係太大，所以加咗兩個小吃，吞拿魚軍艦同三文魚腩刺身。呢兩個小食比之前o既丼係天壤之別！三文魚腩又肥又鮮，吞拿魚又鮮又香，好好味！ 食完都十點幾，覺得不如係度坐多陣仲好，費時郁！所以叫咗個雪糕（有紅豆、芝蔴、咖啡），選了芝蔴同紅豆！嚟度好得意啊！係用木桶形上的，但係味道就一般啦（當然同H記的無得比啦）！店舖o既裝修都幾特別，好明顯有擺心機，係仿築地，不過只係仿！氣氛就唔算強烈。