更多
2012-12-25
199 瀏覽
今日去食晏，叫個天婦羅拉麵，嚟到變咗蕎麥麵先話比你聽，唔可以轉拉麵，想食拉麵就叫過第二款，吹漲，落單果時又唔同我講！因為小朋友要食拉麵，所以焗住叫多碗豬軟骨拉麵。另外叫個牛肉火煱定食，個牛肉火煱㷛到乾水，碗白飯都未到，催咗三次，卒之㷛熟飯攞出嚟。最尾問攞張收據泊車，「唔好意思喎先生，暫時無喎。」，呢個答題都幾新奇，好老實，我過隔離酒家扮唔記得攞單，人哋都求其比張我啦，簡直不知所謂。仲有，食咗個幾鐘，一次水都無加過，懶！呢間嘢，變晒質，以前啲嘢低食，大件，好味道，依家啲嘢加晒價不特止，份量明顯縮咗水，唔怪得假期晏晝一點，都係得三四成入座率。永遠都唔會再幫趁！
另外叫個牛肉火煱定食，個牛肉火煱㷛到乾水，碗白飯都未到，催咗三次，卒之㷛熟飯攞出嚟。
最尾問攞張收據泊車，「唔好意思喎先生，暫時無喎。」，呢個答題都幾新奇，好老實，我過隔離酒家扮唔記得攞單，人哋都求其比張我啦，簡直不知所謂。
仲有，食咗個幾鐘，一次水都無加過，懶！
呢間嘢，變晒質，以前啲嘢低食，大件，好味道，依家啲嘢加晒價不特止，份量明顯縮咗水，唔怪得假期晏晝一點，都係得三四成入座率。
永遠都唔會再幫趁！
張貼