更多
2012-12-09
126 瀏覽
和女朋友慶祝生日，唔想食啲太普通既日菜韓菜，想特別少少食下有氣氛情調既外國茶，搵左一輸餐廳，發現在上環柏廷坊內有間法國餐廳叫La Parole而且係一間社企，感覺可以同女朋友慶生之餘也可以做到善事，呢頓飯即時變得有意義~準時上到餐廳，內裏顯得有點暗，但呢種才叫情調吧。因為已經踏入12月，所以內裏也有不少聖誕布置，增添氣氛。在餐廳內可以見到有外國藉（法國？）的職員做Servers，感覺專業~點了一個六道菜既Discovery Menu，Server話係是日廚師推介，絕對啱食，而且有兩杯香檳送，最啱慶生。開頭會有麵包及凍湯開開你個胃，麵包當然非一般啦，當中有龍眼乾包，有點硬，但也很美味。六道菜之首：兩隻生蠔，生蠔很好味，很鮮甜，連平時很少食生蠔的我，也覺得不錯，兩隻蠔冇記錯係品種不同的，個人覺得右邊的更好味些。六道菜之二：雜菌松露忌廉湯，呢個湯超好飲，我強烈推介。上菜時Server首先會放低隻碟，內裏有未有放湯的材料，跟手就會拿起一個茶壺為你注滿濃濃的湯，湯混合了材了，很香，而且帶點點Creamy，很好飲。六道菜之三：香煎鵝肝，之前睇OPENRICE食評都知呢道菜超讚，一食果然係不得了，很
準時上到餐廳，內裏顯得有點暗，但呢種才叫情調吧。因為已經踏入12月，所以內裏也有不少聖誕布置，增添氣氛。在餐廳內可以見到有外國藉（法國？）的職員做Servers，感覺專業~
點了一個六道菜既Discovery Menu，Server話係是日廚師推介，絕對啱食，而且有兩杯香檳送，最啱慶生。
開頭會有麵包及凍湯開開你個胃，麵包當然非一般啦，當中有龍眼乾包，有點硬，但也很美味。
六道菜之首：兩隻生蠔，生蠔很好味，很鮮甜，連平時很少食生蠔的我，也覺得不錯，兩隻蠔冇記錯係品種不同的，個人覺得右邊的更好味些。
六道菜之二：雜菌松露忌廉湯，呢個湯超好飲，我強烈推介。上菜時Server首先會放低隻碟，內裏有未有放湯的材料，跟手就會拿起一個茶壺為你注滿濃濃的湯，湯混合了材了，很香，而且帶點點Creamy，很好飲。
六道菜之三：香煎鵝肝，之前睇OPENRICE食評都知呢道菜超讚，一食果然係不得了，很香口。但除鵝肝很好食之外，我和女朋友也很欣賞佢個賣相，像花開富貴般，而那綠色的醬配上鵝肝食也很好味，一問之下原來是牛油果，很特別。
吃了三道菜之後可能會有少許油膩，此時Server會遞上雪芭給清一清喉嚨，真貼心。
六道菜之四：鴨胸，平時食鴨胸可能都只係一片片，佢地呢道係厚切的上，所以要自己切開，味道ＯＫ既。比較特色係佢有啲好似冬蟲夏草型的配菜，食落味道其實係似薯仔，聽講係法國一啲出名既配菜。
六道菜之五：龍蝦魚雜燴（唔好意思唔記得左個正名），呢道菜有龍蝦，三文魚等。另外仲有南瓜蓉，配合個特別醬汁係幾惹味。
六道菜之六：甜品，賣相幾精美，最特別係馬卡龍裏面的是一夾住雪芭，食落口裏，感覺冰凍新鮮。
最後仲有Coffee or Tear 飲埋先走，女朋友大滿足。兩個六道菜Set加埋一大約$13XX元。每人六百零蚊可以食到美食之餘也可以做到善事，我會推介我的朋友黎試試。
題外話/補充資料：
餐廳環境相對比較黑，要影到靚相的話就要用閃光燈，但一閃會唔會影響到別人就自己行量。
另外若果是慶生的話，可以係訂枱時講明，除了可以係甜品上寫上Happy Birthday外，Server更會點起煙花蠟燭，雖然大約只有5秒煙火，但有非常特別，生日者一定喜歡。
(以上食評乃用戶個人意見 , 並不代表OpenRice之觀點。)
張貼
