更多
2012-11-30
19 瀏覽
同朋友係荃灣廣場行完街,朋友話好攰又肚餓,記得附近有條街好多食舖,就帶左朋友黎呢度覓食!! 見呢間門面好似好貴咁, 但原來d DINNER SET都係幾十蚊,有點意外,決定入去試試.入到去個環境氣氛好舒服,以白色做主題,見其他台客人講野細細聲咁我都不其然自動降低聲量,侍應仲好nice咁話要介紹俾我地聽,不過我地聽下就算,畢竟我地預算有限!最後點左2個DINNER SET,豬仔扒意粉、一人海鮮鍋!餐牌介紹鍋既材料好豐富,令我好期待,仲有飯或拉麵配埋添.先上左份多士和餐湯,多士有好香既蒜容味,食個時仲熱勒勒好脆.湯裡面眼見有薯仔椰菜,全都滾得溶又淋,飲落清甜.豬仔扒見佢賣相一般本來無咩期望,但份量十足,見朋友切完個扒我就叉左塊黎試下,估唔到有驚喜!!!!!因為本以為肉質會好鞋兼多筋,意想唔到入口多汁又腍,無筋而且嫩滑,點埋個汁仲正, 配菜都好爽口仲有煙肉香味, 讚!食左一陣無耐海鮮鍋就上埋,材料真係好豐富阿!!見到有2隻大蝦、冬菇、帶子、肥牛,非常吸引,湯底吸收左娃娃菜既味道更加鮮甜,而且仲有陣淡淡冬菇同肥牛味添,帶子同蝦食落彈牙,食得出每樣材料都好新鮮同用心,我仲用個湯底送飯埋單仲2百蚊
豬仔扒見佢賣相一般本來無咩期望,但份量十足,見朋友切完個扒我就叉左塊黎試下,估唔到有驚喜!!!!!因為本以為肉質會好鞋兼多筋,意想唔到入口多汁又腍,無筋而且嫩滑,點埋個汁仲正, 配菜都好爽口仲有煙肉香味, 讚! 食左一陣無耐海鮮鍋就上埋,材料真係好豐富阿!!見到有2隻大蝦、冬菇、帶子、肥牛,非常吸引,湯底吸收左娃娃菜既味道更加鮮甜,而且仲有陣淡淡冬菇同肥牛味添,帶子同蝦食落彈牙,食得出每樣材料都好新鮮同用心,我仲用個湯底送飯 埋單仲2百蚊有找,下次我1定會再黎.
張貼