更多
2012-10-29
1790 瀏覽
是晚book 了枱8位, 8點鐘!!!一到達酒樓, 便有位坐低,點知坐門口,對住樓梯,但冷氣足夠,無問題!!入單時問我們幾多位,我地話8位,但有兩個唔肯定,於是侍應好好人地叫我們入6個, 免得收多錢!!!(最終個兩個朋友真是缺席)可能是全港最好的任食火鍋,甘誇張,不過未食,不能否定!!電視有波睇, 對男人是一大樂事!!!!$148全包 任食任飲, 有波睇, 仲想點, 不過佢用甘既宣傳手法幾好, "全包"這名幾好聽,但計落, 咪又是一條數,醬油有咩可能$20..湯底可揀豬骨及醉雞, 這兩樣都是比較貴的, 可惜我見唔到, 叫了鴛鴦湯...食物種類多, 竟然有象拔蚌片..!!仲抵死是有點心,春卷, 糯米飯這些東西!!首先自行出去水吧位, 任拎飲品,有汽水, 嘉士伯, 一渣酸梅湯,雞骨草, 菊花茶...幾自助..仲要樣樣凍冰冰菊花茶不要揀, 無味, 好似冰水, 可以試酸梅湯, 酸度適中, 幾解渴!!自行出去調味,真的很自助!! 一個很有規模的調味區!!!!特別的是有芥辣,煉奶,蠔油,還有不同種類的醬油, 當我找豉油的時候,見其他客人按水機, 嘩..嘩..原來水機裝著豉油, 新創意又乾淨,抵讚!
是晚book 了枱8位, 8點鐘!!!
一到達酒樓, 便有位坐低,點知坐門口,對住樓梯,但冷氣足夠,無問題!!
入單時問我們幾多位,我地話8位,但有兩個唔肯定,於是侍應好好人地叫我們入6個, 免得收多錢!!!(最終個兩個朋友真是缺席) 可能是全港最好的任食 火鍋,甘誇張,不過未食,不能否定!!電視有波睇, 對男人是一大樂事!!!! $148全包 任食任飲, 有波睇, 仲想點, 不過佢用甘既宣傳手法幾好, "全包"這名幾好聽,但計落, 咪又是一條數,醬油有咩可能$20..湯底可揀豬骨及醉雞, 這兩樣都是比較貴的, 可惜我見唔到, 叫了鴛鴦湯... 食物種類多, 竟然有象拔蚌片..!!仲抵死是有點心,春卷, 糯米飯這些東西!! 首先自行出去 水吧位, 任拎飲品,有汽水, 嘉士伯, 一渣酸梅湯,雞骨草, 菊花茶...幾自助..仲要樣樣凍冰冰 菊花茶不要揀, 無味, 好似冰水, 可以試酸梅湯, 酸度適中, 幾解渴!! 自行出去調味,真的很自助!! 一個很有規模的調味區!!!!特別的是有芥辣,煉奶,蠔油,還有不同種類的醬油, 當我找豉油的時候,見其他客人按水機, 嘩..嘩..原來水機裝著豉油, 新創意又乾淨,抵讚!!!! 人頭送一隻蝦及一隻帶子, 蝦不新鮮, 肉質"梅"爛, 帶子細隻, 有點不乾淨...我們叫的東西是一碟上枱, 此碟有牛栢葉, 鵝腸,粉腸ok,脘魚腩片, 硬身, 不好吃!!! 上面的是墨魚滑及蝦滑, 見到任食有此類食品,當然要叫,點知來的雪糕樣,已經不吸引,還要不好吃, 不夠膠,不彈牙!!
下面是豆卜粟米及金菇, 不過不失, 金菇點了三轉!!粟米很甜!! 雞子好巨型, 不予評論, 無食..芝士腸未解凍, 丸ok!! 牛肉, 羊肉, 雖然薄片,但幾好食wor......牛肉一盤有6-7塊!! 炸魚皮脆口, 丸ok,又有午餐肉食, 唯一攪笑是有乾魷魚, 它用來燒, 睇戲食,但竟然可以打邊爐,食落又神奇地好得意,不會怪怪的!! 烏冬不夠彈牙, 生菜ok!!
這裡2小時半任食任飲, 較好時間來睇波,飲啤酒,打邊爐, 真的一流, 簡直超值,因為這樣,我覺得食物質素變了其次, 對食不是太高要求,這裡是任食打邊爐的首選而且這裡服務態度很好,侍應友善,不停教我們去取飲品,醬料, 埋單又快!!最重要是不停收碟,幾好!!
張貼