更多
2012-10-09
2187 瀏覽
一家四口第一次來這裡食飯, 我都叫左我細佬book位架啦, 佢又話唔駛, 話應該無咁多人食哂啦, 今日星期一應該冇乜人掛? 點知七點半去到, 門口都有一堆人, 諗住有排等, 點知都係等左 15 分鐘倒, 算 ok 啦, 但係上到樓上, 見到有幾張吉台架.... 坐低左之後, 環境都ok, 一般舊色酒樓/飯店咁既格局, 侍應都係一般舊色酒樓/飯店咁既侍應......不過態度唔錯, 我地張台對到正風口, 吹到我地頭暈, 咁我地就話唔坐呢張, 如果冇台我地寧願落去再等過. 咁跟住佢地又搵到張角落頭位 (同隔黎台逼逼地) 比我地, 咁都冇所謂, 唔好吹到正就ok, 搞左一輪 d 侍應都冇話唔耐煩咁, 都仲同我地有傾有講睇過哂食評先黎既, 我地叫左 d "聽聞" 係必叫的.....一蚊鹽焗雞 ---- 同一般鹽焗雞無大分別,SIZE亦差不多,不過一蚊真係超級抵食砵酒焗生蠔 ---- 本來我叫薑蔥生蠔, 因為我本身好鐘意食薑蔥, 點知呀姐話... 叫砵酒啦, 呢個好食好多架, 仲話 75% 的人都叫砵酒架! 咁我地就信佢啦, 哈哈, 點知真係好好食喎, 個面有少少香脆, 蠔味濃郁, 裡面仲有汁 j
一家四口第一次來這裡食飯, 我都叫左我細佬book位架啦, 佢又話唔駛, 話應該無咁多人食哂啦, 今日星期一應該冇乜人掛? 點知七點半去到, 門口都有一堆人, 諗住有排等, 點知都係等左 15 分鐘倒, 算 ok 啦, 但係上到樓上, 見到有幾張吉台架.... 坐低左之後, 環境都ok, 一般舊色酒樓/飯店咁既格局, 侍應都係一般舊色酒樓/飯店咁既侍應......不過態度唔錯, 我地張台對到正風口, 吹到我地頭暈, 咁我地就話唔坐呢張, 如果冇台我地寧願落去再等過. 咁跟住佢地又搵到張角落頭位 (同隔黎台逼逼地) 比我地, 咁都冇所謂, 唔好吹到正就ok, 搞左一輪 d 侍應都冇話唔耐煩咁, 都仲同我地有傾有講
睇過哂食評先黎既, 我地叫左 d "聽聞" 係必叫的.....
一蚊鹽焗雞 ---- 同一般鹽焗雞無大分別,SIZE亦差不多,不過一蚊真係超級抵食
砵酒焗生蠔 ---- 本來我叫薑蔥生蠔, 因為我本身好鐘意食薑蔥, 點知呀姐話... 叫砵酒啦, 呢個好食好多架, 仲話 75% 的人都叫砵酒架! 咁我地就信佢啦, 哈哈, 點知真係好好食喎, 個面有少少香脆, 蠔味濃郁, 裡面仲有汁 juicy添~~
濃湯鮑翅 ---- 四人份量都算足料,湯底的確夠濃,啲翅真係用筷子都”夾”得起
蒜茸蒸聖子 ---- 聖子好爽口,不過粉絲好似少左啲
生炒骨 ---- 味道OK,同一般酒樓無分別
啫啫生菜煲 ---- 好好味,上枱時一開蓋啲煙升到上天花咁制,一陣陣濃濃蝦醬味另人食指大動
薑蔥炒蟹 ---- 本來想叫龍蝦,但原來特價菜叫左一蚊雞就無特價龍蝦,咁都正常既,所以就叫左隻膏蟹,蟹膏都幾多,最重要係隻蟹夠多肉,抵食!
總括來講龍寶酒樓小菜味道稱唔上超好食,但價錢都算公道,個人認為食海鮮係比較抵食,用料又夠新鮮,而最近新出優惠亦非常吸引,值得推介,下次再試埋個龍蝦先
張貼
