更多
2012-09-08
2513 瀏覽
一早BOOK定位，今晚一家大細馬會聚餐。原本今晚個個心想必食片皮鴨， 但原來片皮鴨係要一早預定架。想食的朋友。記住留台時落埋單啦.雖然無得食片皮鴨.但係晚飯始終要繼續食.呢個鴨鬆生菜包好好味~~而且算係比較特別~呢個唔記得叫咩名, 不過好味~ 呢個連埋匙仔成個食架~無論賣相同味都OK~脆皮豉油雞.可能豉油浸住D.皮唔係特別脆.仲有隻雞比較細隻.中式牛柳. 一般之選. 不過佢用煲仔上,惹味D既. 但係牛柳比較難咬.最後籠仔馬拉糕.馬拉糕夠鬆軟~ 雖然最後先食~ 但都食得落.至於服務方便.話曬係馬會. 服務當然有禮.坐位都舒服. 今晚唔係賽馬日. 無馬睇.但係望住馬場都幾舒服.
張貼
