更多
2012-08-30
213 瀏覽
因為要拎兩張異能感應換票証比細佬，所以今日放工去左媽媽家。籍此要感謝openrice，常有呢類打食評會有奬抽o既活動，老實講初初寫食評其中原因係想抽戲飛，誰不知打下打下變成左生活習慣。事關媽媽家中飯煲壞左，細佬提議叫pizza食，仲極力推介我地要試下呢間PHD，雖然同 pizza hut 係同一集團 , 但 d pizza同炸雞特別好食，咁就一於交比佢發板啦外賣2~3人餐：1. 忌廉雞蓉粟米湯~ 見媽媽不起黎咁多粟米，即刻搶左黎飲，好夠熱，好濃滑，粒粒金黃粟米仍然爽口，我鍾意呀，好怕啲煲到得返粟米衣嘅粟衣湯，雞肉就好淋，整個湯好濃粟米味 , 好味到飲晒成碗無留比媽媽xd2.蒜蓉包~ 扁扁一塊好似比得包咁，似乎同pizza一樣都係用上手拉薄餅o既批底黎做，加上香蒜牛油，焗o既時間可以稍為加多少少，而家係軟綿綿，焗得脆返 d 會更香口3.燒烤雞肉pizza~ 手拉o既關係，個pizza唔係regular o個種圓，有少少"咩"黎"咩"秤 , 好得意 , 批面o既配料分怖平均，有青椒，青厘茄，紅洋蔥同雞肉，賣相良好。燒烤醬味道香濃且帶酸，相當醒胃，芝士份量得宜 , 唔會厚到一 pat 野批邊
籍此要感謝openrice，常有呢類打食評會有奬抽o既活動，
老實講初初寫食評其中原因係想抽戲飛，誰不知打下打下變成左生活習慣。
事關媽媽家中飯煲壞左，細佬提議叫pizza食，仲極力推介我地要試下呢間PHD，
雖然同 pizza hut 係同一集團 , 但 d pizza同炸雞特別好食，咁就一於交比佢發板啦
外賣2~3人餐：
1. 忌廉雞蓉粟米湯
~ 見媽媽不起黎咁多粟米，即刻搶左黎飲，好夠熱，好濃滑，
粒粒金黃粟米仍然爽口，我鍾意呀，好怕啲煲到得返粟米衣嘅粟衣湯，
雞肉就好淋，整個湯好濃粟米味 , 好味到飲晒成碗無留比媽媽xd
2.蒜蓉包~ 扁扁一塊好似比得包咁，似乎同pizza一樣都係用上手拉薄餅o既批底黎做，
加上香蒜牛油，焗o既時間可以稍為加多少少，而家係軟綿綿，焗得脆返 d 會更香口
3.燒烤雞肉pizza~ 手拉o既關係，個pizza唔係regular o個種圓，有少少"咩"黎"咩"秤 , 好得意 ,
批面o既配料分怖平均，有青椒，青厘茄，紅洋蔥同雞肉，賣相良好。
燒烤醬味道香濃且帶酸，相當醒胃，芝士份量得宜 , 唔會厚到一 pat 野
批邊都有少少芝士 , 焗得脆脆的 , 批底帶小麥香 , 口感柔韌鬆軟 ,
仲有一樣好令我滿意o既係 , pizza 拎上手都唔會沾到成手油 , 好健康 =)
4. 拿破崙海鮮焗飯~ 拿破崙汁好濃 , 茄味十足 , 媽媽仲覺得太酸 , 但我幾鍾意
而因為個飯面加左 d 黑椒碎 , 細佬就覺得辣 , 但我又係好鍾意喎
就係咁 ... 我食左勁多飯 , 海鮮料唔多 , 勝在夠汁 , 個飯又唔會太淋
不過如果下次再叫o既話 ... 我都會想試下其實口味 , 唔 encore 呢個喇
5. 脆香雞 4 件~ 加 $ 48 另外散叫o既 , 全部都係上脾 , 件件 size 都唔細仲好多肉
果然係幾特別 , 幾乎無炸粉 , 有一層好似吉列豬扒o既面包糠咁
咬落去係滲出肉汁而不是滴油 , 外皮酥脆內裏肉嫩, 果然好介紹 !!
## PHD 除左用料新鮮 , 健康之餘 , 仲堅稱係即叫即造 , 並以最快o既速度送到府到 , 令客人可以品嚐到真正o既新鮮滋味
我地上網落單後大約十五分鐘左右 , 己經收到熱辣辣o既 pizza ,
所有食物都保溫得好好 , 真係可以話同堂食o既分別唔大 , 非常滿意 !!
張貼
