更多
2012-08-25
838 瀏覽
呢排係生日月,所以買個蛋糕賀一賀佢。本身諗住買一個半磅既,由於我想試好多隻味,所以散買左五個。包括:芒果拿破倫,榛子拿破倫,New York cheese cake,原味咖啡 mosse cake, 同朱古力蛋糕。咁多個加埋平過一個半磅既。芒果拿破倫我無試過但見朋友食哂應該唔錯。咖啡慕斯蛋糕我試左一淡,比我想像中好食好多,佢係企身既慕斯,唔係好似忌廉咁,有小小似啫利。淡淡咖啡味好香,口感幾得意。New York chese cake 無想像中咁好味,芝士味唔夠,但口感係ok。唔記得幫佢獨照既榛子拿破倫,食落去完全係金莎味~哈哈。但個人唔係幾中意咁多一粒粒榛果係面,好似花生咁,但個層酥皮好好味,脆卜卜,食完好飽。朱古力蛋糕大家搶住食!最好食係呢個!New York chese cake 都被比下去!龍島果然係朱古力出身,啲朱古力真係無得彈!一層朱古力醬一層蛋糕總共有六層!鬆軟既蛋糕加上濃厚既朱古力醬簡直係perfect match!呢個一定有下次!等我下次再黎寵幸你啦哈哈哈!題外話,蠟燭同膠刀係要俾五蚊買既,但點知係呢隻彩色蠟燭。你睇下插到幾樣衰,又無個托,問人借左火機但係點都唔想點,點
本身諗住買一個半磅既,由於我想試好多隻味,所以散買左五個。 包括:芒果拿破倫,榛子拿破倫,New York cheese cake,原味咖啡 mosse cake, 同朱古力蛋糕。
咁多個加埋平過一個半磅既。 芒果拿破倫我無試過但見朋友食哂應該唔錯。
咖啡慕斯蛋糕我試左一淡,比我想像中好食好多,佢係企身既慕斯,唔係好似忌廉咁,有小小似啫利。
淡淡咖啡味好香,口感幾得意。 New York chese cake 無想像中咁好味,芝士味唔夠,但口感係ok。
唔記得幫佢獨照既榛子拿破倫,食落去完全係金莎味~哈哈。
但個人唔係幾中意咁多一粒粒榛果係面,好似花生咁,但個層酥皮好好味,脆卜卜,食完好飽。 朱古力蛋糕大家搶住食!最好食係呢個!
New York chese cake 都被比下去!
龍島果然係朱古力出身,啲朱古力真係無得彈!
一層朱古力醬一層蛋糕總共有六層!
鬆軟既蛋糕加上濃厚既朱古力醬簡直係perfect match!
呢個一定有下次!等我下次再黎寵幸你啦哈哈哈!
題外話,蠟燭同膠刀係要俾五蚊買既,但點知係呢隻彩色蠟燭。 你睇下插到幾樣衰,又無個托,問人借左火機但係點都唔想點,點左咪溶哂落個蛋糕度囉…哂錢。
張貼