金饍韓國料理 (已結業)

星期日晚睇戲後，順便響新世紀廣場食晚飯。新世紀廣場無乜野行，食野既地方都算多既，有food court同唔同食肆。哩到相比其他旺角商場，人不算多，無咁擠湧。但唔鍾意個商場設計，中間有個真空位，搞到好似圍住佢黎行。女友人話想食金饍，於是上去拎飛等位。去到門口都幾多人等位，可能假期晚關係吧。行左個層商場一圈後，返到去差不多了。入到去職員已安排較大的卡位俾我地，雖然全場座滿人，但環境都幾舒服。我地叫左個二人燒烤套餐，份量剛剛好，都食得飽既。韓式前菜小碟，之前響其他分店食lunch都有，今次同樣都有。味道不錯，女友人最喜歡用泡菜送飯。之後主菜黎啦，燒烤併盤，可以慢慢燒，傾下計食下。有不同種類既肉類，牛舌都好食，yummy之後仲有海帶硯湯，不錯。最後食埋個雪糕做甜品就完美啦。