更多
2012-07-10
3207 瀏覽
呢間嘢實在太差, 冇辦法唔寫食評, ... 因為有同事離職, 所以近近地就去咗科學園囍慶farewell, 由於一早book咗枱所以唔洗等位。 但係冇諗過飲餐茶食個lunch都搞到一肚火!!! 淨係落單都已經要同個staff "講解" 4次... 我唔明, 2張枱一樣order, 1張單X 2 有幾難明... 到咗上菜真係比呢間嘢吹脹, 我12點落晒單, 一枱就黎得好快, 另一枱就淨係黎咗3樣嘢之後就齋坐45mins唔洗食?同D樓面講叫佢幫手跟一跟D嘢等咗好耐, 佢就"哦" 完就算... 12:45左右 再叫個樓面跟一跟D嘢就同我講2張枱入單差一分鍾所以上菜會差好遠, 呢D咩解釋!? 周圍夠有好多遲過我呢2枱嘅客啦...又唔見人地冇嘢食!?3催4請都係冇嘢食, 忍無可忍叫個樓面搵個經理出黎佢就耍我, 走咗去... 呢D咩服務!?之後再一次叫另一個樓面搵個經理, 個經理就話電腦出咗問題, 要再等等....大佬, 我地呢D打工仔得1個鐘lunch hour, 加上要D老細坐成粒鐘, 10個人分3樣嘢食, 仲話要再等!!?? 結果, D老細唔等話要cut單, 就5mins內有...
因為有同事離職, 所以近近地就去咗科學園囍慶farewell, 由於一早book咗枱所以唔洗等位。
但係冇諗過飲餐茶食個lunch都搞到一肚火!!! 淨係落單都已經要同個staff "講解" 4次... 我唔明, 2張枱一樣order, 1張單X 2 有幾難明...
到咗上菜真係比呢間嘢吹脹, 我12點落晒單, 一枱就黎得好快, 另一枱就淨係黎咗3樣嘢之後就齋坐45mins唔洗食?
同D樓面講叫佢幫手跟一跟D嘢等咗好耐, 佢就"哦" 完就算... 12:45左右 再叫個樓面跟一跟D嘢就同我講2張枱入單差一分鍾所以上菜會差好遠, 呢D咩解釋!? 周圍夠有好多遲過我呢2枱嘅客啦...又唔見人地冇嘢食!?
3催4請都係冇嘢食, 忍無可忍叫個樓面搵個經理出黎佢就耍我, 走咗去... 呢D咩服務!?
之後再一次叫另一個樓面搵個經理, 個經理就話電腦出咗問題, 要再等等....大佬, 我地呢D打工仔得1個鐘lunch hour, 加上要D老細坐成粒鐘, 10個人分3樣嘢食, 仲話要再等!!?? 結果, D老細唔等話要cut單, 就5mins內有... D老細照樣cut單走人...
食物方面...
佢D炒飯同個炆米唔夠熱, 只係暖... 燒賣好差, 個個同事都一致覺得燒賣冇味, 放入口都唔知自己食緊咩...
其他點心就一般, 冇咩特別, 個人覺得個奶皇包ok...
但順帶一提, 幾個月前第一次幫襯, 佢個蛋撻仔完全唔掂, 食落唔熱同埋有酸味, 唔知呢D係咪佢嘅特式, 但係比我嘅感覺係唔新鮮...
總括而言, 呢間嘢都唔係平, 但係佢嘅service同味道就同佢嘅價錢成反比... 我唔會再去呢間嘢
張貼