海港燒鵝海鮮酒家 (已結業)

約友去荃灣食晚飯，因太耐無到喱區開餐喇。所以要上Open Rice 找間環境好啲嘅，可以一路食嘢同一路吹吓水嘅酒樓。見到海港燒鵝海鮮酒家之贊賞食評好多同名次排得好前，故一於選擇此間通知兩位老友。當晚大家都費事諗，就叫了個有三味餸嘅海鮮特價套餐同加一個小食，另叫三支特價大啤酒。餐前小食四喜烤麩，裏面除了麵筋，仲有東菇、雲耳及金針。用帶甜的醬油煮得幾好味喎！海港燒鵝皇真係此酒樓之鎮店之寶，皮脆肉嫩及充滿肉汁，非常之正呀！瑤柱鮮菰燴海參啲鮮草菇炒得好爽口，瑤柱味極重及海參夠淋，很好味呢！:翡翠炒龍躉球之石斑係新鮮，魚肉好嫩滑啊！