更多
2012-05-19
17 瀏覽
以前呢個位係燒肉市場, 不過可惜已經執左粒...呢間野新開左一排, 開頭見佢成人$228, 小童$118...嘩...深水埗放題$228仲要唔係黃金個邊, 有冇人食呀?後來呢幾日減到$148一個加一, 決定今日就試下值唔值!環境:同以前燒肉市場個格局一樣, 台面上既燒肉爐都冇拆走...如果比起其他放題, 佢算坐得舒服, 四人卡位坐四個人絕對唔迫!服務:唔知係咪新開, 服務可接受但有改善既地方!雖然係汽水任飲都應該倒杯茶黎掛...收碟算快, 可惜好多時快得濟, 用黎裝骨/殼既碟好快就問我要唔要漏過一次單咁大把, 其他都齊, 唔錯! 種類:對比起其他放題佢又真係少左好多選擇~~相比起某d放題, 佢可能少人地1/3...連雞翼都冇!唔通重質唔重量? 食物:一黎就送個咩和牛...我expect佢係入口即溶, 或者好淋身, 點知係...幾硬下!刺身好食, 最好食梗係甜蝦啦, 有d仲有蝦子架, 我地兩個人叫左三轉差唔多每人十二隻!!吉烈蝦賣相一般, 開頭以為唔掂! 點知食落又幾好食, 唔係乾爭爭, 整體既炸野都係好食!燒雞軟骨, 我覺得佢係炸唔係燒, 不過又食好味! 唔怕太咸!壽司, 麻麻地, 舊
呢間野新開左一排, 開頭見佢成人$228, 小童$118...
嘩...深水埗放題$228仲要唔係黃金個邊, 有冇人食呀?
後來呢幾日減到$148一個加一, 決定今日就試下值唔值!
環境:
同以前燒肉市場個格局一樣, 台面上既燒肉爐都冇拆走...
如果比起其他放題, 佢算坐得舒服, 四人卡位坐四個人絕對唔迫!
服務:
唔知係咪新開, 服務可接受但有改善既地方!
雖然係汽水任飲都應該倒杯茶黎掛...
收碟算快, 可惜好多時快得濟, 用黎裝骨/殼既碟好快就問我要唔要
漏過一次單咁大把, 其他都齊, 唔錯!
種類:
對比起其他放題佢又真係少左好多選擇~~
相比起某d放題, 佢可能少人地1/3...連雞翼都冇!
唔通重質唔重量?
食物: 一黎就送個咩和牛...
我expect佢係入口即溶, 或者好淋身, 點知係...幾硬下! 刺身好食, 最好食梗係甜蝦啦, 有d仲有蝦子架, 我地兩個人叫左三轉差唔多每人十二隻!! 吉烈蝦賣相一般, 開頭以為唔掂! 點知食落又幾好食, 唔係乾爭爭, 整體既炸野都係好食! 燒雞軟骨, 我覺得佢係炸唔係燒, 不過又食好味! 唔怕太咸! 壽司, 麻麻地, 舊飯唔太好食! 製作馬虎! 清酒煮蜆, 幾好食, 有4/5有肉! 係酒味少左d 最難食既帆立貝 壽司, 一睇就知唔好食, 又乾又唔新鮮! 蒜片牛柳粒好食過送既和牛好多, 好淋身, 好易咬, d蒜片好入味! 茄子燒(炸)得岩岩好, 唔怕乾仲有汁!
雞皮冇咩味!
免治雞肉就一般啦~ 再點過甜蝦, 證明好好味!
三文魚都ok, 有時冇有d腩位! 豬軟骨烏冬, 一般啦, 唔肚餓可以唔食! 因為同平時日本野食開個d差唔多~ 呢個 甜品又係推薦!
係北海道牛乳奶凍! 每人限揀一次咋!
紅豆果子唔錯!
兩個人埋單: $ 326 連加一
張貼