更多
2012-05-02
50 瀏覽
2月12日, 今晚準備去睇期待已久嘅演唱會~ 睇演唱會呢d咁體力勞動嘅活動前梗係要食飽個肚先啦! 喺國際都會商場周圍搵野食, 行到去篤篤有一間台灣菜, 全場滿座~ 食客當然都係以準備睇演唱會嘅樂迷居多啦!::: 肉燥豆腐飯 + 珍珠奶茶 ::: $31 + $4肉燥同豆腐同飯基本上係分開嘅, 肉燥望落有d乾, 好彩佢有d肉燥汁撈咗落飯度, 令到個飯濕d, 味道比較似滷水汁, 都唔錯嘅~ 但係豆腐明顯過乾, 好令身好似舊膠咁, 質地好實, 亦冇乜水份… 而伴碟嘅菜同青瓜都加咗d豉油, 算係有d味咁啦.珍珠奶茶有奶味, 但係冇茶味, 麻麻地.::: 肉燥茄子糯米飯 + 茉香奶茶::: $33 + $4呢個飯幾特別, 除咗係糯米飯之外仲係用竹筒去裝! 雖然個竹筒長長窄窄, 但內裡容量都唔少. 面頭肉燥份量都幾重手, 再配多三片茄子, 仲有少少紫菜絲點綴~ 肉燥有少少嚡, 不過煮得頗入味. 茄子質地軟腍, 蘸d肉燥汁食更好味, 唯一要彈係油咁d…糯米飯軟糯煙韌味道帶甜, 同鹹香嘅肉燥味道出奇地夾到! 整體都幾好食~ 同餐附送油菜, 唔會號油, 不錯.茉香奶茶質地有d稀, 奶嘅比例較多, 以至茶
::: 肉燥豆腐飯 + 珍珠奶茶 ::: $31 + $4
肉燥同豆腐同飯基本上係分開嘅, 肉燥望落有d乾, 好彩佢有d肉燥汁撈咗落飯度, 令到個飯濕d, 味道比較似滷水汁, 都唔錯嘅~ 但係豆腐明顯過乾, 好令身好似舊膠咁, 質地好實, 亦冇乜水份… 而伴碟嘅菜同青瓜都加咗d豉油, 算係有d味咁啦.
珍珠奶茶有奶味, 但係冇茶味, 麻麻地.
::: 肉燥茄子糯米飯 + 茉香奶茶::: $33 + $4呢個飯幾特別, 除咗係糯米飯之外仲係用竹筒去裝! 雖然個竹筒長長窄窄, 但內裡容量都唔少. 面頭肉燥份量都幾重手, 再配多三片茄子, 仲有少少紫菜絲點綴~ 肉燥有少少嚡, 不過煮得頗入味. 茄子質地軟腍, 蘸d肉燥汁食更好味, 唯一要彈係油咁d…糯米飯軟糯煙韌味道帶甜, 同鹹香嘅肉燥味道出奇地夾到! 整體都幾好食~ 同餐附送油菜, 唔會號油, 不錯.
茉香奶茶質地有d稀, 奶嘅比例較多, 以至茶味較薄, 茉香味亦較淡, 作為一間台式餐廳嘅台式奶茶就有d失色喇!
隨晚餐再送甜品~ 係夠晒台灣feel嘅芋圓! 兩粒芋圓煙煙韌韌, 不過就無乜味, 反而浸住佢地個薑汁糖水幾好味.
鄰近紅館, 佔盡地利, 凡係show date呢度都好爆場! 餐廳更加有d憑演唱會票尾就有嘅特別優惠~ 不過其實就算唔用呢d優惠, 只需卅幾蚊就有飯有菜有野飲仲送甜品兼幾好食~ 算係十分抵食!
張貼
