更多
2012-02-26
32 瀏覽
11月28日, 返咗大陸兩日, 夜晚搭巴士到灣仔落車, 喺附近嘅大友商場搵食~ 見到有一段時間冇食嘅台灣野, 見佢環境都唔太差, 又唔洗等位就坐低食喇~::: 紅燒牛肉配擔仔麵 ::: $42心諗食台灣野最普通都算係牛肉麵同肉燥飯啦… 我地兩樣都有叫, 點知頭炮個牛肉麵就即刻中咗伏! 牛肉同個麵就分開上, 一睇個麵同湯底, 嘩… 好清湯, 個麵完全係冇味嘅, 比出面嗰d十蚊麵更加淡, 麵底又過淋, 一d都唔爽口… 紅燒牛肉其實係有d汁嘅, 以為加番落個湯度會有d味, 但都只怪自己太天真, 嗰少少嘅肉汁都係唔夠濃, 加咗落湯之後色就有, 味呢都係一樣淡… 紅燒牛肉味道只係似滷水牛展牛腩牛筋混合體, 冇台灣地道一貫嗰種牛肉濃香, 淋就夠淋, 但係同想像實在差太遠… 越食個麵, 就越想加d辣油豉油上去, 不過呢間唔係粉麵店…::: 香酥雞扒配肉燥飯 ::: $43本身以為香酥雞扒即係鹽酥雞扒, 不過都係我想得太多喇… 雞扒上只係略略灑上少少淮鹽等香味粉, 極其量係塊普通炸雞扒, 基本上其實無乜鹽酥風味… 雞扒無乜雞味, 不過d雞扒肉質頗嫩. 肉燥飯細細碗, 肉燥外表就夠色水~ 但佢無乜菇味,
::: 紅燒牛肉配擔仔麵 ::: $42
心諗食台灣野最普通都算係牛肉麵同肉燥飯啦… 我地兩樣都有叫, 點知頭炮個牛肉麵就即刻中咗伏! 牛肉同個麵就分開上, 一睇個麵同湯底, 嘩… 好清湯, 個麵完全係冇味嘅, 比出面嗰d十蚊麵更加淡, 麵底又過淋, 一d都唔爽口… 紅燒牛肉其實係有d汁嘅, 以為加番落個湯度會有d味, 但都只怪自己太天真, 嗰少少嘅肉汁都係唔夠濃, 加咗落湯之後色就有, 味呢都係一樣淡… 紅燒牛肉味道只係似滷水牛展牛腩牛筋混合體, 冇台灣地道一貫嗰種牛肉濃香, 淋就夠淋, 但係同想像實在差太遠… 越食個麵, 就越想加d辣油豉油上去, 不過呢間唔係粉麵店…
::: 香酥雞扒配肉燥飯 ::: $43
本身以為香酥雞扒即係鹽酥雞扒, 不過都係我想得太多喇… 雞扒上只係略略灑上少少淮鹽等香味粉, 極其量係塊普通炸雞扒, 基本上其實無乜鹽酥風味… 雞扒無乜雞味, 不過d雞扒肉質頗嫩. 肉燥飯細細碗, 肉燥外表就夠色水~ 但佢無乜菇味, 整體都係唔夠味… 加上份量碎濕濕, d飯又有少少過淋… 係一份外表神似但欠台式地道風味嘅肉燥飯…
::: 地道點心雜錦 ::: $30
另外仲叫咗個特價嘅拼盤, 有齊各種小食俾我地可以試下~ 有炸番薯、咖哩角、米糕同埋滷豆腐乾~ 每一款都不過不失啦, 炸番薯香軟, 但有少少膩, 咖哩角一般般, 滷豆腐乾幾入味, 不過就太實太鹹… 最ok嘅應該係個米糕, 撈埋醬汁食夠晒香軟粉糯~ 最有台式地道感覺.
::: 胚芽奶茶 ::: $11
胚芽十分之足夠, 佔咗1/3杯~ 味道可以接受, 奶味比茶味多, 亦都甜咗d... 不過跟餐加$11就有得飲都算係咁啦.
可能叫錯野食, 今次真係對佢好失望… 不過見佢晚飯時間都冇乜人, 服務都有d差, 下次都應該唔會再食.
張貼