太子餐廳 (已結業)

本想到Ah ma kitchen食野，點知去到先知佢裝修緊，於是轉去就近嘅太子餐廳！去到客人唔算太多，而且仲有卡位坐添，環看餐廳尚算闊落，間隔和位子都唔太迫夾！呢度嘅下午茶餐都有好多選擇：有中式炒粉麵、有西式意粉焗飯，又有輕巧的沙律餐和多士餐！見隔離客人嘅星州炒米和炒飯都係大大碟又有鑊氣，這餐廳的食物應該不賴吧！ 我叫左個白汁吞拿魚螺絲粉＋熱奶茶（$34），個螺絲粉賣相幾有睇頭，多粉多汁，上面仲有少許香草點綴；可是食落就覺得冇咩味，Ｄ螺絲粉似係煲左好耐先搯起上碟咁，好大陣白烚熱水味！ 至於個汁料──白汁吞拿魚，一Ｄ都唔似白汁，似係＂生粉開水的獻汁＂多Ｄ，雖然又係冇咩味，不過勝在吞拿魚夠多，食落都仲有吞拿魚的味道！呢碟白菌吞拿魚螺絲粉，一Ｄ都唔入味，我要倒幾次胡椒粉來＂吊下味＂先食到！食物水準欠奉，但杯熱奶茶就幾好！味道係茶膽煲的香濃，而且挺滑，奶味好出，應該係用黑白奶來沖製吧！