更多
2011-09-02
1038 瀏覽
平時上班會帶飯,因為觀塘搵食都幾困難,人又多,價錢都唔平三、四十蚊閒閒哋.今次要歡送一個同事,去咗譽宴飲茶,未訂位之前我上嚟OPENRICE睇下D食家點寫佢.食評麻麻咋喎!但有同事話食過都OK架!咁就訂位試下喇!我早小小出門口去攞位先,到咗地下大堂等升降機超多人,上到譽宴竟然無人等位喎,同知客講我訂咗位,佢話未有位叫我等等.係我後面有幾位OL無訂位,點解個知客就話:「5位要等好耐架喎!我哋會先安排訂咗位既客人先入坐架!」都差唔一點鐘喇!我見四野無人,都無人係度等位,點解會話要等好耐呢?當我諗緊呢句話既時候,說時遲那時快我就有位喇!原本係我後面個幾位OL都有位喇! 其實我坐既位置係可以清楚望到知客同埋見到有冇人等緊位.但一直未見人潮.同事陸續嚟到,有位同事今日好想食义燒飯,但點心紙上無,於是就同一位年青既服務生講要加一碗义燒飯.等咗十分鐘點心同埋粉麵都陸續上枱,傳菜既嬸嬸唔理三七二十一就放係枱上,然後就離開.大家都趕快消滅枱上食物,好讓後上既食物可以有位置放.义燒飯遲遲都未到,第一次向男服務生追,再等咗十分鐘,再向女服務生追,女服務生返嚟講係早十分鐘前先落單,要再等等添..... 期待已
今次要歡送一個同事,去咗譽宴飲茶,未訂位之前我上嚟OPENRICE睇下D食家點寫佢.食評麻麻咋喎!但有同事話食過都OK架!咁就訂位試下喇!
我早小小出門口去攞位先,到咗地下大堂等升降機超多人,上到譽宴竟然無人等位喎,同知客講我訂咗位,佢話未有位叫我等等.係我後面有幾位OL無訂位,點解個知客就話:「5位要等好耐架喎!我哋會先安排訂咗位既客人先入坐架!」都差唔一點鐘喇!我見四野無人,都無人係度等位,點解會話要等好耐呢?當我諗緊呢句話既時候,說時遲那時快我就有位喇!原本係我後面個幾位OL都有位喇! 其實我坐既位置係可以清楚望到知客同埋見到有冇人等緊位.但一直未見人潮.
同事陸續嚟到,有位同事今日好想食义燒飯,但點心紙上無,於是就同一位年青既服務生講要加一碗义燒飯.等咗十分鐘點心同埋粉麵都陸續上枱,傳菜既嬸嬸唔理三七二十一就放係枱上,然後就離開.大家都趕快消滅枱上食物,好讓後上既食物可以有位置放.义燒飯遲遲都未到,第一次向男服務生追,再等咗十分鐘,再向女服務生追,女服務生返嚟講係早十分鐘前先落單,要再等等添..... 期待已久义燒飯終於上枱係本人最愛既半肥瘦义燒,配以白飯味道唔錯,鮑汁鳳爪分量都唔小,煲仔上完隻鳳爪有8隻左右,味道暫時係我係觀塘各酒樓食過最好味既,蝦餃王皮薄足料新鮮,用$16優惠價就食到認真抵食!馬拉糕唔太甜,熱食最正.仲有杏汁雪山飽,有香濃杏仁味流沙.......
我眼見服務生人數都唔少,經常係身邊行來行去,但唔知做乜架. 吉碟又唔收,水又唔加.當又一輪傳菜嬸嬸架臨,枱上已經無吉位喇!我為有將吉碟拎起,抬頭見有一位年青既服務生向住我哋嚟緊,諗住救星到喇!點知佢既眼睛一直都無向正前方既我哋望,就當佢差唔多走近我哋,佢就想係我哋張枱前既十字路口轉彎.佢無視我,我為有大叫,終於都見到我哋喇!
終於兩點鐘要埋單喇!剛巧有一個男服務係隔離張抬執緊嘢,我向佢示意(用手指在抬上打圈)要埋單(PS電腦化無記錄卡),好快佢拎住水壺過嚟加水,我同佢講要埋單唔係加水喎,佢竟然話頭先我拎起茶壺要求加水喎有冇攪錯呀?我重新同佢講要埋單唔洗加水另外要一個膠袋,佢迅速拎個膠袋比我,我哋再等咗十幾分鐘,重未有人幫我哋埋單,終於我决定搵一個著黑西裝應該係經理既人講要埋單,唔洗一分鐘攪掂.
相片欠奉,因為本身無諗住要同人分享呢次經歷.其實食物水準滿意,環境幾好坐得舒服,但本人認為無論咩價錢都應該有好服務.......................
張貼