更多
2011-07-04
119 瀏覽
25-6-2011(Sat)傍晚,爸爸同我冇idea買咩餸好,我提議一齊出街食飯,佢話唔出.,收o左線我先會合大哥大嫂睇男友o岩o岩租o既單位,睇完就叫大嫂打電話畀爸爸,叫佢一齊出街食飯,爸爸終於就範.咁我o地就返上大哥屋企諗去邊間食,我記得上月底陪男友去Mega Box,o係肇順名匯河鮮專門店食過唔錯o既lunch,而荃灣都呢間,就提議呢間,但大嫂就提議如心廣場o既彩晶軒,肯定好貴o架喎,不過算啦,我都要請返佢o地食o既,約好爸爸打埋電話訂枱就行喇.o黎到,我o地四人坐係好出o既枱,由於大嫂發辦o既,就由佢o地點菜啦,佢點o左:5. 提岸雞絲牙快車如果唔睇menu都未必知係咩o黎,但我係將啲餸逐樣對,就發現雞絲雜菜沙律冇o係單上出現,咁即係呢個只係普普通通o既一個沙律,奈何改個咁複雜o既名.呢個係大大兜,但一眼睇見面上o既料有幾多,下面就全部都係羅馬沙律菜,而上o既料有主角雞絲,芽菜仔,青蘋果,青瓜,黃椒,呢啲係新鮮o既,而沙律汁係酸辣,我就覺得過辣.味道: 3.5分1. 麻麻老火煲湯大嫂揀o左菜乾生魚煲豬(月展),呢個有好多湯渣,但湯只分到六碗,成個湯被陳皮味遮晒.味道: 3分6.
咁我o地就返上大哥屋企諗去邊間食,我記得上月底陪男友去Mega Box,o係肇順名匯河鮮專門店食過唔錯o既lunch,而荃灣都呢間,就提議呢間,但大嫂就提議如心廣場o既彩晶軒,肯定好貴o架喎,不過算啦,我都要請返佢o地食o既,約好爸爸打埋電話訂枱就行喇.
o黎到,我o地四人坐係好出o既枱,由於大嫂發辦o既,就由佢o地點菜啦,佢點o左:
5. 提岸雞絲牙快車
如果唔睇menu都未必知係咩o黎,但我係將啲餸逐樣對,就發現雞絲雜菜沙律冇o係單上出現,咁即係呢個只係普普通通o既一個沙律,奈何改個咁複雜o既名.呢個係大大兜,但一眼睇見面上o既料有幾多,下面就全部都係羅馬沙律菜,而上o既料有主角雞絲,芽菜仔,青蘋果,青瓜,黃椒,呢啲係新鮮o既,而沙律汁係酸辣,我就覺得過辣.
味道: 3.5分
1. 麻麻老火煲湯
大嫂揀o左菜乾生魚煲豬(月展),呢個有好多湯渣,
但湯只分到六碗,
成個湯被陳皮味遮晒.味道: 3分
6. 4隻蟶子皇
睇個樣應該係椒汁炒蟶子,
份量少到極,但蟶子炒得o岩o岩好,椒汁帶有微甜,算有水準.味道: 4.7分
3. 吆妹子三鮮鍋巴
鍋巴只有六件,相對地,餸o既份量多,
原來餸除o左有蕃茄同蝦外,重有帶子,象拔蚌,菇類,甚至連海參都有,咁當然唔係太大件.鍋巴微甜同脆,酸甜汁酸o既比例較少,材料都新鮮.
味道: 4.3分4. 招牌櫻花蝦炒飯
呢個都好大碟,材料有櫻花蝦外,重有蝦仁,蛋白同叉燒粒,
呢個炒得乾身唔油膩,叉燒粒口感較硬,味道我就覺得偏淡,可以再濃啲.呢個我o地食唔晒,剩返一碗份量拎走.味道: 3.5分
2. 特級加拿大桶蠔
呢個最後上,一碟8隻係酥炸,
唔係好多油剩o係o度,我覺得大路冇乜問題.味道: 4分
前菜:
皮蛋青椒,
啲醋o係晒底,味道唔錯,但原來唔好留到食晒成餐飯再食,因為暖o左味道會變得唔好食.味道: 5分
食完後,侍應自己放上生果盤,每人有西瓜,蜜瓜同哈蜜瓜各一片.
環境:
坐低後,大嫂o既位旁有支釀滿正方玻璃鏡o既巨型茶匙擺設,另一方就有支叉;天花掛o左好多華麗吊燈;而o係深啡色佈滿凸出銀鈕就似古代o既城門o既大門旁,掛o左一件粵劇袍,另一旁o既圓柱位就造o左一個正方玻璃酒窘o黎修正.後者設計聰明,但全間酒樓被攪到好奇怪,根本攞唔到中心主題位,有啲雜亂無章,不倫不類o既感覺.
咁貴o既一餐飯,座位梗係闊落舒適啦.
我全部都唔知價錢,只知埋單好似聽到88X,因大嫂簽咭,我畀返$300.00當夾錢請爸爸佢都唔肯收.
其他:
茶壺都好重o架.
張貼
