芝脆雞 (已結業)

上星期六約左朋友打牌叫外賣!有人想食Pizza,我就想食炸雞!晚上七點半到達叫4-5人餐!餐包括炸雞5件!收銀姐姐話未有炸雞...要八點至炸...未知要炸幾耐!佢話最小要五至六個字!即係最小八點半至有得!星期六晚飯時間冇炸雞食?仲唔知等幾耐?七點半唔炸要等八點至開爐?個個外賣又好,堂食又好焗人轉其他小食!!!唯有改個冇炸雞...Pizza加一個牛肉長通粉..之前問Pizza要20分鐘(絕對可接受)但個長通粉竟然話要等40分鐘!!!!咁o岩撞到個街坊堂食緊個肉醬意粉...佢話等左冇耐姐...15分鐘!!!算...等!叫我留電話....企出門口等!等到八點零五分行入去問下情況!竟然整好放左o係度冇人理...職員就行黎行去!咁做乜要我留電話?要芝士粉...$1蚊!!Tabasco又要$1蚊!!!出到門口突然記得福來都有類似炸雞店...即刻上網check menu...打電話去叫左12件雞...話要等20分鐘!跟住行落去...都未行到15分鐘後就收到電話...已經搞掂!去到茄汁,Tabasco免費!味道唔差...價錢仲平D!高下立判!!!!!