阿波羅

營業中

休息中

星期日去咗第2屆香港食品嘉年華。5點幾去，所以人唔算好多。入咗去行無幾遠就見到appolo，好多人食。之前一直都想試，今次終於有機會了~要了melon + pineapple ($20)。用新鮮水果打落froyo度。味道超自然無添加，完全唔會過甜；唔似得其他froyo店會添加色素同味道。但由於melon & pineapple 唔算甜，所以味道較淡。pineapple 仲要有渣，比較失色。蜜瓜唔夠甜，所以味道都比較淡。froyo 質地輕輕軟軟，好似蛋糕咁打咗好多空氣入去，所以質感比較輕。冰凍非常，不過會有少少碎冰。下次會再到其他分店試試同試吓其他較甜嘅水果。